شاركي في النقاش

سجلي الدخول لإضافة تعليق.

التعليقات

2,000

  1. @shymolata

    اكيد انتو عارفين انى ماقعدتش اعيط طول الليل لانها حامل
    انا بس كنت فى نفس اليوم قبل ماعرف كنت بقول لنفسى انى اما ربنا هيكرمنى مش هقول لاى حد خالص غير اما اشوف النبض طبعا حد خالص دى يعنى كل الناس اللى ضايقتنى او اللى مش هتفرق معايا انى اعرفهم لاسباب ما لكن القريبين كنت ناوية اقولهم المهم كنت بقول ان الست دى هتبقى من اول الناس اللى هبشرها بالخبر علشان اديها امل وتفاؤل وكمان علشان اما اخبى عالتانيين ماكسرش قلبها
    بجد انا طلعت هبلة قوى انا مش عارفه ازاى جالها قلب تخبى عليا 4 شهور هى على فكرة مفتكرة انى لسه معرفتش لدلوقتى وانا هحاول انى اتهرب منها وماكلمهاش خالص وزى ماقلتلك ياماما هى مش هتفرق معايا لانها مش صديقتى زى ماحصل معاكى

  2. @shymolata

    صحيح يابنات
    اوكسى اما عملت المنظار الدكتور لقى الزايدة ملتهبة فشالها وده تعبها شوية كمان ادعولها تقوم بالسلامة وكمان لقى اندو على جدار الرحم واكتشف ان المكان اللى بيترجع فيه الاجنة مزنوق شوية وفك حواليه
    انا مكنتش عايزة اقولكم وكنت مستنية اما اوكسى تدخل تتكلم بنفسها لكن قلت اقولكم علشان تطمنوا عملت ايه وكمان علشان تدعولها ربنا يقومها بالسلامة ويعوضها خير

  3. شيمولاتا
    صحيح يابنات اوكسى اما عملت المنظار الدكتور لقى الزايدة ملتهبة فشالها وده تعبها شوية كمان ادعولها تقوم بالسلامة وكمان لقى اندو على جدار الرحم واكتشف ان المكان اللى بيترجع فيه الاجنة مزنوق شوية وفك حواليه انا مكنتش عايزة اقولكم وكنت مستنية…
    شيمو يا حبيبتى انا وانتى واحد 000 انا النهارده الحمد لله احسن وكمان روحت بيتى لأن مكنش عاجبنى جوزى سايبنى عند مامتى وهو عند مامته .. ست غريبة فعلا ملحقتش اروح بيتى واتصلت تطمن انا مفهماها انى عاملة الذايدة وبس بس يظهر مش مقتنعين وان شاء الله ما اقنعوا ... انا لما كنت فى المستشفى اول يوم العملية قلتله يبلغهم انى عملت الذايدة علشان يبقى يقعد معايا وميفضلش هناك زى العادة لقيت مفيش عشر دقائق واسدين قصر النيل فوق دماغى سلفتى وحماتى وهاتك يا اسئلة مستفزة وانا كنت لسه طالعة من العملية مبقاليش ساعة ... سلفتى تقول هى زايدة حادة ولا مزمنه وازاى دكتور نسا هو اللى يعملهالك وحماتى تقول وشالها بالمنظار ازاى :angry2:واسئلة تانية تفرس مش مجمعاها وانا رديت ان الذايدة دى يشلها دكتور امتياز وان دكتور النسا افضل علشان ميئزنيش وانا لسة مخلفتش ثانيا انا لما تعبت اتصلت بيه فقالى تعالى بكرة الصبح اعملك منظار ... على فكرة حماتى كنت بقولها كل حاجة لكن حدث موقف كده بينى وبينها الصيف ده وعايرتنى بال5 عمليات اللى عملتهم وعلى الفاضى كل ده بسبب انى قلتلها مش حنروح معاكى حج سياحى فاخر علشان على قد فلوسنا حنروح برى ...

    شيمو مدايقيش نفسك من اى واحدة تخبى عليكى حملها وهى كلها ايام وان شاء الله تطلعى حامل ومتبلغهمش يا ماما الا لما تولدى بالسلامة

  4. على فكرة بالنسبة للعملية الدكتور شال الذايدة لان لقى عليها اندو من براها وهى اللى عملت الالتهابات ىدى كلها .. بالنسبة للرحم الدكتور قالى ان الرحم عندى لقاه نوع اسمه t shaped والنوع ده مبيسمحش بحمل يكمل وهو وسعهولى بس انا قاقانه شوية لأنى بحثت على النوع ده من الارحام لقيته على شكل حرف تى بالانجليزى فيا ترى ازاى ممكن يوسعه خبقى اسئله لما اروح افك الغرز .


  5. اوكسي
    حمد الله علي سلامتك يا حبيبتي وان شاء الله المنظار خير عليكي ونفرح بيكي قررريب قوي ..ومتقلقيش اكيد الدكتور ليه طريقتة في توسعة الرحم وسيبك من حماتك كبري دماغك ..وحشتينا يا اوكسي يارب يطمنا عليكي يارب

    شيمو
    حمد الله علي السلامه حبيبتي ويا بنتي ايه الحساسيه ديه مش اي حد يستاهل دموعك متنزليهاش علي حد ميستهليهاش ومش كل الناس حلوه الواحد بيعامل الناس بطبعه الطيب بيفتكر الكل طيب وبيعملهم بطيبه ..متزعليش وكبري مفروض اتعلمنا وخدنا من المواقف ديه كتير..طمنيني عليكي عامله ايه وعماتي ايه في مصر

تابعي تجارب أخرى من هذا القسم.