هونيها بتهون ان شاء الله
ادعي ربك بصلاح ذريتك
و لا تتاخرين على زوجك اكثر يتعود على بعدك
مشكلتي انا وعيالي
متابعة النقاش، صفحة 3
شاركي في النقاش
سجلي الدخول لإضافة تعليق.
التعليقات
44- حاولي وتدرجي في تغيير وقت نومهم ..كلهم صغار ويحتاجون النوم عشان نفسيتهم ما تتعب وعشان يكونون بعافيه ..حطي لنفسك جدول لمدة اسبوعين وفهمي اهلك انك ممكن تحتاجين للمساعده عشان تنظمين نومهم ..بنتك تنام الفجر ؟؟ يعني تقوم على الساعه 2 الظهر ؟ والا اكيد تنام الساعه 6 وتطول بنومتها صح ؟؟
المهم اذا تقوم الساعه 2 قوميها بيوم الساعه 12 ونص وافتحي عليها النور واشتغلي عند راسها من غير ما تصحينها بشكل مباااشر عشان ما تتغلق وبتقوم سولفي معاها شوي وعطيها حليب ثم اكل المهم بتتغير نومتها هنا وبتصير تقوم لك الظهر وتنام شوي الساعه 5 خليها تنام الين 6ونص وصحيها بنفس الطريقه ..وبتنام في الليل على الساعه 1 اتوقع او 1 ونص خليها على هذي النومه اليين يخلص رمضان اريح لك وبعد رمضان كل ساعه تبغينها تنامها ابكر بالليل صحيها بالنهار ابكر ونومة العصر تكون ابكر بالنوم وابكر بالتصحيه ..
نجي للرضيع ..شكله ما يشبع ..يقوم يرضع طبيعي صح ؟؟
اول شي حاولي ما ترضعينه طبيعي الا كل ساااعه ..اولا عشان يتجمع الحليب وثانيا يتعود على النظااام ..
واذا ترضعينه صناعي ..حلو ..سوي له زي اخته لكن راعي صغر سنه وتعاملي معاه بشوي اريحيه يعني اذا خرب نومته لا تتضايقين ..
واذا ولدك صيااح اشتري له لهايه وانصحك بوحده تنور بالظلام وخذي له وحده مكان المص صغير عشان ما توجع الحنك عنده ..وصيري اذا بكى وهو مافيه شي بس دلع (متاكده انه نظيف وشبعان وملعبته )دسيها بفمه ..
وعلى فكره الطفل بهذا العمر لازم تلعبينه عشان ينام تعرفين طريقة تلعيب الاطفال بهذا العمر وهي بعد رياضه لعضلاته وبنفس الوقت تخليه يسوي مجهود وينام ..ولا تلعبينه وهو شبعان عشان ما يستفرغ عليك ..
وعليك بالمهاد (تاكدي ما يكون مشدود عليه مره وبنفس الوقت يلمه )لان الطفل يكون اي حركه من يدينه تقومه مفرزوع ويكون نومه مضطرب فالمهد يخليه ما يحرك اطرافه ويلمه زي الرحم ويحس بالامان وينام براحه ..عاد اسالي امك وشلون الطريقه وهي تعلمك ودوري المهد البارده عشان ما يحتر ..
وانتبهي له من الجو الحار عشان ما يصحى متضايق ولا الجو البارد عشان ما يمرض ..
وترا الحمام الدافي يخلي البيبي ينام على الاقل 2 ساعه ..حمميه ونشفيه وعطيه رضعه وبينام عليك ان شاء الله وردة جوري 33 بتتعبين بالبدايه لكن عوديهم نومهم في وقت واحد سوي لنفسك جدول روتين يعني وامشي عليه حتى الصغار فتره ويمشو عليه والله يعينك وييسرها الكريم
- سهلي الموضوع وبسطيه
الموضوع كله شيلة هم لكن ان شاء الله لما تروحين البيت تتسهل - ماشاء الله ربي يحفظهم لك ويصلحهم
سبحان الله يمكن خيرة الشغالة تعسرت لاني والله ما أأيد الشغالة ابد
وش تبين بها شوفي مشاكلهم وبلاويهم الله يكفينا شرهم
واشوف البنات ماشاء الله عطوك حلول حلوة
مواضيع مشابهة
تابعي تجارب أخرى من هذا القسم.