موقف لا احسد عليه ... وش السواة وش الدبره تكفون

السلام عليكم

صار لي موقف ضيق صدري وقلت مالي الا عالم حواء افضفض لهم

رحت انا وزوجي الظهر للسوق واختكم اذا جت تروح للسوق ما ودك تشوفينها لابسه شبشب والشعر شوشه مربوطه بكعكع خرافي مدري وش يبي والملابس نص بجامه ونص قميص وحالتي حاله المهم وحنا راجعين من السوق اتصلت ام زوجي وقالت له تعال بسرعه ابيك
لف على طول على طريق بيتها ويوم وصلنا قال انزلي قلت لا منيب نازله بهالشكل قال انزلي امي وما عندها احد ما يحتاج تتكشخين نزلت وامري لله

ويوم جينا بندخل لقينا اخوه عندها قال لي روحي بالمقلط الين يطلع اخوي ورحت بالمقلط واقعد واقعد واقعد مت من الحر حاولت اشغل المكيف ما طاع يشتغل واقعد اهف بجريده واختكم ماش ساااااااااحت من الحر قلت ابفصخ عباتي اتبرد شوي وفصخت عباتي وتعالوا شوفوا الشكل الشعر لااااااااااصق من العرق والخلاقين اللي انا لابسه وبراطم بيض من الصيام .... المهم بعد شوي دخل اخو زوجي للمقلط ما درى ان فيه احد طالعني شوي بعدين راح .... بعد جت خالتي للمقلط ويوم شافتني خالتي قامت تضحك وقالت هذي زوجة فلان مهيب شغاله وتضحححححححححك

قلت وشو ؟ قالت جايني فلان ( اخو زوجي ) يقول فيه شغاله جديده بالمقلط ..... اااااااااااااخ يا بنات تعالوا شوفوا وجهي وشلون صار ... مهيب ذي المشكله المشكله انه قال هالكلام قدام زوجي وزوجي عارف منهو اللي بالمقلط ... وام زوجي طبعا راحت قالت النكته وهي تضحك وقعدت تردد الله يخلف عليك هذي مرة اخوك وتضحححححك .. اعجبتها النكته بنت اللي منيب قايله خخخخخخخ

يوم ركبنا السياره قال زوجي اخوي شافك بالمقلط ؟ ... قلت مدري