تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23

ام مريم
ربنا يعوضكم خير قريب ويرزقكم بالذرية الصالحة ان شاء الله
توتا
ربنا يثبت حملك ويكملك علي خير

السلام عليكم ورحمة الله وبركاته
اللهم انك عفو كريم تحب الفو فاعفو عنا
اللهم بلغنا ليلة القدر يارب العالمين
اللهم وفقنا الفوز بهاقياما و صياما وملازمة للقرآن آناء الليل وأطراف النهار
اللهم أعتـق رقابنا من النار
اللهم أعتـق رقابنا من النار
اللهم أعتـق رقابنا من النار


ازيكم يا احلى صحبة وحشتونى جداجدا بس المنتدى رخم جدا وكمان رمضان وقته ضيق يارب يتقبل منا ويغفر لنا ويرحمنا ويعتق رقابنا من النار فيه ان شاء الله

دة تانى رد اكتبه يارب يوصل وما يضعش زى الى قبله

المهم حمدلله على سلامتك يا شيمو نورتى الامارات يارب تبشرينا الاسبوع دة ان شاء الله بحملك بتوام يفرح قلبك يا جميل ويرزقكم بشغل كويس ويزقكم رزق حلال وطيب ويبارك لكم فيه وسيبك يا بنتى من اى حد يزعلك ولا يهمك حد ولما تحملى ما تعرفيهاش هى الى خسرانة صديقة طيبة زيك

اوكسى الف سلامة عليكى يا حبيبتى يارب يتم شفائك على خير وان شاء الله تحملى طبيعى بعده على طول منغير انتظار ولا حاجة زى دوعة


ماما ولا يهمك يا جميل ولا يصعب عليكى نفسك ولا حاجة ربنا بيحبك وبيقربك منه وبعدين هيرزقك قريب ان شاء الله ويقر عينك بتوام كمان احنا محسنين الظن بيه وهو كريم وما تزعليش من صاحبتك وعاتبيها وان شاء الله كله يبقى تمام

توتا ما تهسهسيش وافرحى يا جميل ان شاء الله زى ما كرمك بالحمل هيفرحك بولادك فى حضنك ان شاء الله

مرمر ان شاء الله تنجح عمليتك بعد العيد ويعوضك صبر السنين الى فاتت يارب

انا قسمت الرد خفت لا يطير ولا حاجة
نكمل بقا
ام مريم ربنا يفك كربكم ويزيل همك ويفرجها عليكم ويشفى زوجك ويقر عينك بالذرية الصالحة انه القادر على كل شئ يارحيم اغثم يا رحيم اغثم يا رحيم اغثهم

سمية الف مبروك الحمل ربنا يكملك على خير

حواملنا الحلوين عزيزة وحلم الامومة وبندقةوتوتا ودوعة ومصرية وفاطمة وميكو ومتفائلة واملى توام اخباركم ايه والصيام عامل معاكم ايه ربنا يثبت حملكم ويكملكم على خير

بندقة انتى كمان وحشانى خالص ازيك سيا جميل الختمة كانت شغالة عادى بعد الاجازة وكانو وصلو للجزء الواحد وعشرين يوم الاربع بس ما دخلتش بعدها عشان مأجزة ومش عارفة اقرا من المصحف بس مش عارفة بقا زمان ختمو ولا لسة

ام حفصة وحشانى يا حبيبتى وانا كمان بحبك فى الله شوفى يا جميل توكلى على الله وجربى التلقيح الصناعى وان شاء الله تحملى ويثبت على خير روتقرحى بولادك فى حضنك يارب على فكرة انا كمان عقم غير معروف السبب بس ما حصلش حمل قبل كدة لو كنت فى مصر كنت جربت تلقيح صناعى الاول بس هنا مكلف فهوفر فلوسه احسن واعمل حقن على طول لان نسب نجاحه اكبر ويعتبر كمان فى حالتى تشخيصى ربنا يستر اصل مرعوبة تكون البوضات ما بتتلقحش او اى حاجة تانية تلففنى حوالين نفسى ربنا يستر
المهم انت استخيرى وتوكلى على الله وابداى بالتلقيح ويارب تحملى منه من اول مرة ويعوضك صبر السنين الى فات كلها

امل الامومة وشادن ازيكم يا حلوين وحشتونى يارب يعوضكم ويزقكم بالذرية الصالحة قريب
نادو ونيفو وام التوامان ازيكم ياقمرات فينكم واخبار صحتك ايه دلوقتى يا نيفو انت وام التوامان
يارب ما اكونش نسيت حد بحبكم كلكم فى الله

يارب نجح عملية شيمو وارزقها منها الذرية الصالحة
يارب ارزقنى وارزق نادو ونيفو وام حفصة وامل الامومة ووشادن وقطوس ابوها واوكسى وام التوامان وماما وشيمو ومرمر وكل الموقنات برحمة الله بالذرية الصالحة يا حنانا يا منان يا رحمن يارحيم وقر اعيننا بذرياتنا احنا وكل مشتاقة للذرية الصالحة من امة محمد يا اكرم الاكرمين

يارب تمم حمل توتا ومتفائلة ومصرية وبندقة وفاطمة وميكو وسمية واملى توام وحلم الامومة ويسر ولادة عزيزة وفرحها ببناتها فى حضنها سليمين معافين

ادعولى يا بنات ربنا ييسر لنا ونعرف نروح العمرة ان شاء الله ناوين على يوم 27 احسن ناوين نروح بالعربية والنهاردة مش عارفة ايه الى حصلها جوزى بشيك عليها قبل السفر فلقا الراديتير مفضى مايته وفى الورشة بيظبط فيها ادعولنا تبقى تمام عشان نعرف نطلع العمرة وطبعا هادعيلكم كلكم هناك بس الى عايزانى ادعيلها باسمها الحقيقى تكتبه هنا او فى الخاص وان شاء الله ربنا يستجيب

ام مريم اعرف واحده كده ووالله حملت طبيعي
هو التحليل بتاع جوزها كان شويه يكون كويس وشويه حالته تسوء لدرجه انهم مش بيلاقوا الا حيوانات ميته
خلي ااملك بالله كبير و جوزك يمشي على علاج و عيدوا التحليل تاني و باذن الله يتحسن و تعملوا العملية