عريسي الجديد وراتبه ادخلو طلبتكم

السلام عليكم ورحمة الله وبركاته

الله يقبل منا ومنكم خواتي

رجعت لكم بموضوع ثاني عن العرسان لاني اوثق برايكم

تقدم لي عريس من اسبوع وجو اهله يشوفوني

وماعليهم اهله شكلهم دينين واجاويد

والعريس اخوي جلس معه يقول شكله كويس

كلم الولد ابوي ويوم تكلمو بالتفاصيل قال ان راتبه 4000 وكلنا ندري الحين كل شي غالي نار

بنات من زوجها راتبه كذا او قريب لكذا وكيف وضعهم مرتاحين ولا لا

انا ادري ان الفلوس مو كل شي بس برضو اذا كان فيه عجز في الميزانيه يصير الواحد مو مرتاح وتصير الحياة متوتره

الله يخليكم ردو علي وانصحوني لني كثير محتاره:06:

ادعو لي ربي يكتب اللي فيه خير لي

وماراح انساك بالدعاء

انتظركم

ملاحظة العضوات اللي راسلوني قبل ترا ماقدر ارد قبل تصير مشاركاتي 50 وماقدر اكتب اكثر من 3 ردود باليوم لا تزعلون مني

43 تعليق 5,007 مشاهدة

شاركي في النقاش

سجلي الدخول لإضافة تعليق.

التعليقات

41
  1. @st_byt_snaa

    صلي الاستخارة واسألوا عنه وعن اهله وتشاوري مع اهلك


    انا رأيي ان الفلوس موب كل شي

    صح انها ضرورية لكن تخيلي زوج راتبه تسعة آلاف و عصبي على اتفه شي

    او اخلاقه ميب زينة او بارد صامت او او .... او اهله موب طيبين ولا اجاويد

    4000 حلوة وممكن تزيد وحاولوا لو ربي كتب نصيب تصرفون الراتب في الضروريات والنصف ضروريات

    يعني موب اسراف ترى ربي يبارك خذوهم فقراء يغنيكم الله

    عمتي كان زوجها معدم وهالحين مليونير ماشاءالله

    ترى الوحدة لا صارت ترفض مايجيها احد .. توكلي على ربك واستخيري واستشيري
  2. @zog_alghaly2009

    انازوجي راتبه 2400 الحمدلله عايشين وبيتنا ملك صحيح كل شي نار بس انتي اشتري في المناسبات يعني موطول السنه في السوق مولازم تشتري ماركات خاصتن الملابس احسها خساره فيها ريال والله ماهي ذوق بس المكياج والعطور خذي ماركه وتكفيكي فتره طويله ,,,,,,واهم شي والله اخلاقه وان شاء الله يتعدل راتبه بس هو ايش شغله بالضبط؟؟؟
  3. ياحياتي الله يكتبلك الي فيه الخير
    والله ماعندي اي تعليق
    انا عن نفسي طول عمري احلم بزوج معاه فلوووس كثير واعيش حياتي صح
    بس الحين مابغى الا اللي ببالي وراضيه براتبه هو نفس راتب خطيبك واحس اني باعيش معاه بسعاده طول عمري
    ادعيلي الله يكتبه لي وبادعي لك الله ييسر لك الي فيه الخير
    ..
    بس نصيحه اخيره
    اذا انتي لسى بعمر صغير شوي ويجوك عرسان فاستخيري في هذا لاتتهورين وتوافقين ممكن يجيك اللي احسن منه بعدين
    لكن بالنهايه والله السعاده ماهي بالفلوس ابببببد
    ..
  4. @om_farosi

    ياحياتي استخيري وتوكلي على الله

    فيه ناس عايشه باقل من كذا

    اهم شي انه يكون طيب واخلاقه طيبه وصدقيني وقتها مابيبخل عليك بشي

    لاتفكري في الراتب وربي يوفقك
  5. @shgraldr_3

    فى معنى الحديث اذا اتاكم من ترضون خلقه ودينه فزوجوة
    والعبرة مو بكثرة المال او قلته العبرة بالبركه وكم واحد راتبه فوق العشرة وهو فى دين وضيق ومن اقل منه راتب فى سعه
    وهو فى بدايه حياته الوظيفيه يعنى راح يزيد باذن الله راتبه استخرى والله يكتب الى فيه الخير

تابعي تجارب أخرى من هذا القسم.