ازيكم يا بنات
قبل اى حاجه انا عايزة اقول انى مبسوطة جدا من مشاركة ام التوأمان الفترة دى حاسه انها بدات تشارك اكتر من الاول أيوة كده يا بنتى بحبحيها مع اخواتك شوية
ونيفين كمان كانت هنا
وانا اللى عماله اقرا فى الملفات الاولانيه علشان ريحة الحبايب بحس انى بعدت عنى عيلتى وبقلب فى البوم الذكريات انا كنت بقرا فى الجزء الخامس اللى اوشى حملت فيه
اوكسى وام التوأمان
ان شاء الله ربنا يكتب شفاكم وتفكو الغرز وتفرحونا قريب
ماما
ربنا يكون فى عونك من المناظر دى بس صدقينى بعد فترة كده هتاخدى مناعه جامدة جدا
أومال يابنتى تعملى ايه لو مكانى السنة اللى فاتت خدت الفصل بتاعى رحلة لمدينة اطفال تعليمية فى مول وانا ماشية بالعيال افوجئ بيهم كلهم متنحين وراسهم مدلدلة من سور السلم الكهربائى لييييييييييييه؟
واحد وواحده فى قمة انسجامهم العاطفى وهاتك يا بوس قدام الاطفال البريئة دى وقدام كل الناس اقول ايه بس
ربنا يهديهم
بندقة
ان شاء الله ربنا يتملك على خير يارب انتى وكل البنات الحوامل اللى معانا
فيه بنات كتير مختفية بس اكيد علشان رمضان ودخول العيد وكده كل سنة وانتم طيبين مع ان طمطم ونادو وحشونى ياريت يطلو طلة كده
شادن
طولتى الغيبة قوى رحتى فين واخبارك ايه
ام حفصة
جزاكى الله خيرا على دعواتك الحلوة والله العظيم داعيالك وانا فى العمليات ساعة الترجيع ربنا يديكى ان شاء الله ونفرح بيكى
خير زاد التقوى
انتى كمان بتفائل جدا بدعواتك انتى ومصرية ربنا يكرمكم
بالنسبة لى بقى
انا انهارده جتلى اعراض الدورة كلها تيجى وتروح والدورة اصلا ميعادها بكرة ومش عايزاكم تقلقو لانى والله العظيم مش قلقانة اطلاقا وزى ماقلتلكم النتيجة اللى ربنا يكتبهالى اكيد هى الخير والاحسن
وهانت خلاص على ميعاد التحليل
تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23
متابعة النقاش، صفحة 110