ضعف التركيز وتشتت الانتباه وفرط الحركه......الى كل ام تعاني من هذه الاعراض عند اطفال

اشيل هم الناس حبيبتي الظاهر ولدك لحين اصغير صدقيني بيتغير وبيعرف شنو العيد انا كنت مثلج العيد في صوب وبنتي في صوب والحمدلله الحين اتحب الملابس الجديده وتختار ايش تلبس يارب لك الحمد والشكر صدقيني بالتعويد والتدريب يتغيروووووووون كثير يارب كل الحمد

وبالنسبه للاخت اللي ولدها معاه تشتت اختي اخذيه لطبيب العلاج الوظيفي يمكن يحتاج ادوية

لان انا ببدا مع بنتي علاج الادوية بعد العيد باذن الله يارب يجيب معاها نتيجة واتصير اتركز وتتعلم مثل اقرانها آمين وكل اطفالنا يا بنات

كثروا من الاستغفار والدعاء


الله يسهل عليج سكوررررره

والبقي الحمدلله على تقدم اطفالكم والى الامام دايما

غلاء أبو ظبي شكرا لك حبيبتي

سكر نبات من خلال ما كتبتيه عن ولدك مرة يشبه ظروف ولدي حتى حمله أنا حملي في ولدي 10 شهور كاملة

بالنبة للدواء قاطعينه عنه من زمااااااااااااااااااااااان والله حتى ما أذكر بالضبط آخرمرة أخذه فيه

احنا خفنا من الدواء عشان كذا تركناه وما أقدر أقولك إنه فاده لأننا ما وصلنا بالضبط

هو رايح الحين صف رابع ويفترض سادس حبيبي

الآن هو وصل مرحلة إنه حاس بمشكلته ودائما يقول أنا أبغى أتعلم وأصير أقرأ وأكتب , أنا ليش مو مثل زملائي وليش مو مثل العيال ولما يفتح الكتاب ما يعرف حبيبي

رمضان هذا بفضل من الله صام وعلمناه معنى الصوم وصار يفهم شوي

وعطيني رقمك ياسكر مو معاي

اللهم بلغنا ليلة القدر

واشفي اطفالنا

وعليكم السلام
متى بدأتوا تعالجوه ؟
أنا ولدي 3 سنوات ونصف عنده فرط حركة وتشتيت انتباه واندفاعية
قالوا لي لو لحقتيه من ذا العمر يتحسن
ولدك من 3 سنوات ل 12 سنة ايش سويتوا له ؟
ومتى اكتشفتوا انه عنده تشتت انتباه ؟
أفيديني الله يجزاك ألف خير يا رب
تحياتي