ابي قطوه، بس أبوي رافض !!

السلام عليكم ورحمة الله وبركاته } ~
الموضوع امبين من عنوانه =( 
ابي قطوه لكن اهلي مو راضين ابد ابد ابد طبعاً اهلي اقصد ابوي الله يخليه و أمي الله يخليها ، مع ان أمي تحب الحيوانات راح توافق اذا أبوي وافق واذا كلمت أبوي بـ الموضوع ابتدي النقاش وانا مقتنعه أني بكلمه بـ جديه وراح يقتنع بـ كلامي وانا معاااي كلام وحقائق من النت ومتاكده أني بـ غلبه بس يخلص النقاش يطلع أبوي الصح وانا الغلط وكل اللي قاله صح (مع العلم كلنا صح في وجهة نظري ) انا احب اتناقش بـ نقاش حاد بس أبوي مشاءالله عليه يعرف يتصرف معااي .
يقول انها وصخه وتسبب امراض ومثل هـ الكلام .  
1. تسبب مرض العقم ، والثعلبه. (اذا تعرفون هـ المرض اللي يسبب صلع في بقعه في الراس وبعدين تكبر  ) .
2. وين بـنوديها اذا سافرنا ؟ << جيرانا عندهم حديقة حيوانات اليفه كل شي موجود هناك حتى الكلاب(وانتوا بكرامه ) موجوده  مشاءالله قلت هاذي مو مشكله . 
3. وين بتلقين وحده مافيها مرض ؟؟ << ماقدرت ارد لان محلاتنا مو شي =/ بس بشوف محل امااازون قطر . 
4. ودايماً يقول ”الكلام اللي اتجيبينه من النت مو مصدق يعني يمكن اي واحد كاتبه “ 

مع العلم انا عمري 16 ومتاكده أني راح أتحمل المسوؤليه ، وانا كنت ابي قطوه يوم كنت بـ ثاني اعدادي والحين انا ثاني ثانوي طرت علي افكار وااااجد 
1. اشتري لي ومحد يدري 
2. وقلت بـ قول لـ عمي (تقريباً عمره صغير ) يجيب لي هديه ورفض قال اذا جبتها ابوچ وين بـ يوديها بيطردها برا البيت ولا بيبيعها وانا ما ابي أحط في ذمتي .

وكل ما افتح الموضوع معه ، يطنقر 
انا سمعت ان القطاوه مو زينه للـي توهم متزوجات لانها تسبب اجهاض او شي من هذا القبيل ، مثل ما قلت انا في الـ 16 
و ما اعتقد بـ تأثر فيني اذا خذت التطعيمات ووو بس . 

يعني انا شسووووي !! ابي قطوه ابي كائن حي عندي بـ البيت وكل ما اشوف وحده بـ النت حاطه صورة قطوتها تجيني الصيحه 
آسفه اذا طولت بس شسوي =( مع العلم ان خواتي الصغار توام يموتوووون في شي اسمه قطوه لأنهم 24 ساعه عند جيرانا 

*مااادري اذا الموضوع مو في قسمه 
ولاحد يقسى علي ويقول أشياء تجرحني وتجرح الصيام انا حبيت اعرض مشكلتي وأشوف اقترحاتكم وان شاءالله اقدر اقنعه . 
و السمووووحه } ~