تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23
متابعة النقاش، صفحة 154
شاركي في النقاش
سجلي الدخول لإضافة تعليق.
التعليقات
2,000شيمولاتا الحمد لله على اللى يجيبه انا الحمد لله كويسه لكن اللى مزعلنى ان زوجى رافض تماما نكرر التجربة وده كان شرطه قبل مانعمل الحقن المجهرى اننا مانكرروش تانى انا افتكرته علشان اضطرينا نستلف لان حساباتنا اختلفت عن التكاليف فكلمته قلتله نسدد اللى اس…
يا حبيبتى يا شيماء .. ربنا يارب يهديلك جوزك ويكرمك من غير عمليات .. انا شايفة انك تستخيرى الله انه يوفقكم للقرار الصح وكلام جوزك مش قرآن يعنى ممكن يتغير ثانيا ياريت تكلمى الدكتور بتاعك وتشوفى احتمالات الحمل الطبيعى عندك يمكن ربنا يكرمك طبيعى زى بوبا ودوعه الاتنين كان عندهم اندو وربنا كبير .. فاتعلمى بلاش نتكلم دلوقت لما نسدد الديون ابقى ابتدى حوشى من جديد ومين عارف يمكن تحملى طبيعى وربنا ميحوجكيش لعمليات تانى ..شيمولاتا الحمد لله يا بنات لعله خير من ربنا انا فعلا كان نفسى جدا ماقولش لاى حد غيركم عالعملية وده اللى انا عملته لكن ربنا يسامح اللى عملولى نشرة بقى وكله بقدر الله بالنسبة للحمل الطبيعى انا مبحبش اضحك على نفسى انتو عارفين ان عندى مشكلة فى الانابيب…
انابيب ايه يا شيمو ربنا لا يعجزه شىء وبعدين انتى نسيتى قصة الست اللى انابيبها كانت منتفخه وبتنزل سائل والدكتور مرضاش يعملها حقن الا لما تعمل منظار وتشيل الانابيب وهى يا ولداه مكنش معاها تمن المنظار يا دوب تمن الحفن وبعدين ربنا رزقها بالحمل .. الدكاترة قالوا ازاى ... مافيش مع ربنا ازاى يا شيماء ... كمان قصة الست اللى بأنبوبة واحدة ومبيض واحد بس المبيض مش فى الناحية اللى فيها الانبوبة والدكاترة قالوا مستحيل تحمل طبيعى لازم نعمل حقن ومكنش معاها فلوس وقتها وربنا كريم رزقها بالحمل فى الوضعية اغريبة دى سبحان الله لايعجزه شىء فى الارض ولا فى السماء ... وانا اعرف واحدة عاملة نظافة فى مستشفى كنت بشتغل فيها فى التحاليل الطبيه عندها بنت معرفتش انها حامل فيها الا وهى بتولدها :hahaha: عارفة ليه لأنها عمله ربط مبايض والدورة بتجلها كل شهر وطخينه قوى..
وحكاية الست اللى حملت ومعندهاش رحم .. كل ده يا شيماء ... ربنا كبييييييييييير قوى بس احنا اللى دايما بنتعلق بالاسبابماما1983 :angry2::angry2::angry2:والله يابنات بقالي يومين كل ما اكتب حاجه تطير ومش قادره ابعت حاجه خالص رودودي لاوكسي وبندقه ومرمر ومتفائله كلها طارت بعمل كوبي واجرب تاني تطير مش راضيه تتبعت خالص
ماما يا حبيبتى شوقتينى يا ترى كنت عاوزة تقوليلنا ايه .. بصى احسن وقت تدخلى الملف هو الصبح انا امبارح اول مرة ادخل بليل علشان شيمو كتبتلها الرد بالعافية بعد ما طار كذا مرة فضطريت اقفل وانام :eek:- شيمو حبيبتي قدر الله وما شاء فعل
ربنا يعوضك خير يارب
سيبك من الناس وكلامهم
وحاولي متحتكيش بيهم لحد ماتهدي
وربنا اكيد شايلك الاحسن بس الصبر وحسن الظن بالله ماما1983 بصي بقه ياشيموا الناس ده مش عارفه هما معمولين من ايه ايه كميه القسوه والحسد ده هما ملهم تفشل تنجح تحملوا ما تحملوش انتوا احرار والله انتي وجوزك طيب قوي والدنيا ما ينفعش فيها كده لازم الناس تفهم انكم مش بتسمحوا لحد يتدخل في شئونكم بصي انتو…
انا معاكي
معلش ياشيمو لازم اللي دخل في حياتك تكوني حازمه معاه اكتر من كدا
انا لما اخت زوجي سالتني انت عملتي اشعه صبغه اتفتحت فيها وقلتلها لما انت بتسالي عليا كدا ومتتصلي علي اخوك وتقوليه عملت التحليل
واللي هو الخلف من الست وبعدين مش لازم نتكلم احنا بنعمل ايه مفيش حد واجعه الموضوع اكتر مني ومنه مش لازم نقول ايه الخطوات اللي بنعملها
سكتت واعتذرت انما حافضل ساكته خت علي دماغي لا خلاص بقي لحد كدا
انت عارفه لما ربنا يقومني بالسلامه ويعرفوا اني حامل في توائم لسه المواويل حتتسمع اه هي اللي كانت بتعالج واخدت منشطات وغيره
بس والله ياويله مني اللي حيجيب السيره دي
تعرفي انا اتزوجت وجيت علي السعوديه عروسه يعني الخطوبه كلها كانت 3 شهور والله كنت فرحانه باهله وناويه اعملهم احسن معمله بس لما لقيت الموضوع بيزيد عن حده لا اللي بقي يغلط فيا بقيت اقف واقوله ليه ؟
وحياتك ياشيمو خاصه بيك وبزوجك بس
لا تقولي لامك ولا لامه
انا ماما والله حست اني بضايق لما بتجيب سيره الحمل مبقتشي تتكلم معايا خالص مع اني عارفه انها نفسها تطمن
بس انا اخدت قرار حياتي ليا انا وزوجي بس
مواضيع مشابهة
تابعي تجارب أخرى من هذا القسم.