تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23

بنات
سبحان الله ربنا انهارده بعتلنا رسالة انا وزوجى
علشان نبطل نقاش فى الموضوع ده انا وزوجى وتشكيكه فى نتيجة التحليل قررت انهارده اروح اعيد التحليل لان ده المعاد اللى كان الدكتور محدده مع انى متأكدة ان اليوم ده مش هيفرق بس علشان اوقف الابر وهو يكون مطمن ومستريح اكتر المهم رحت معمل تانى غير بتاع امبارح لقيته قافل وبيفتح بعد الفطار المهم زوجى قالى ربنا مش رايد نعمل التحليل انهارده نيجى يوم تانى وانا مش عايزة اخد كلكسان اكتر من كده ولا ابر مثبتات اصلا مادام تحليل امبارح واضح
المهم واحنا راجعين بقى ربنا بعتلنا رسالة فجأة موتور العربية ولع بينا والعربية اتملت دخان ونزلنا عالطريق نجرى انا وهوا علشان ننفد بعمرنا والعربية بتولع لان الدخان ملاها كلها
ربنا كتبلنا عمر كإنه بيقولنا ان فيه حاجات كتير تستاهل انكم تشيلو همها وفوقو شوية بقى تحليل ايه اللى يتعاد والنتيجة واضحة بصوا حواليكم ممكن عمركم يضيع فى ثوانى وانتو لسه بتجرو ورا حاجه ياعالم مكتوبالكم ورزقكم ولا لأ

عزوزة الف سلامه عليكي من البرد
انا برده لسه ما جاليش وخايفه يجيلي
اصل اخويا واختي في البيت عندهم برد فحاسه ان الدور عليا ربنا يستر

وما شاء الله خلاص هانت يا جميل
دخلتي الاسبوع 37
ربنا يرزقك ساعه ولاده سهله
متنساناش من دعواتك

انا انبارح لاقيت نفسي مبلوله جدا جدا اتخضيت قلت ده اكيد ماية البيبي مفيش كلام
وكان ضهري وجعني

اتصلت بالدكتور وانا مرعوبه قالي متقلقيش وخدي مضاد حيوي وقالي راحه ومتتحركيش
طبعا اخدت المضاد اوجمنتين بس برده عندي هسهس وقلقت جدا

تاني يوم رحت مستشفي لان الدكتور معاده بالليل
رحت الصبح عملولي سونار قالي المايا تمام ومفيش حاجه تخوف
وحطولي تحت جهاز رسم قلب البيبي ويعرف ازا كان في تقلصات في الرحم ولالا وبرده تمام

يعني مش ماية بيبي ولا حاجه
بيقولولي افرازات عاديه
وبلاش وسوسه

بجد انا مستغربه جدا من البلل اللي عامل زي المايا تمامااااااااااااا

ربنا يستر دعواتكم يا بنات ربنا يكملي علي خير وعلي كل واحده حامل يارب ويرزق كل مشتاقه امين يارب

شكرا لكل اللي ادوني رائيهم في الاسامي

بس انا بموت في الاسامي الجديده والدلع بالزات للبنات

انا مختاره كم اسم جديد

بس الوحيد اللي مش من اصل عربي هو تولاي فقلت اخد رائيكم

وشكلي هطنشه :)

وعلعموم البيبي بينزل باسمه احنا بس بنعمل اللي علينا