بفضفض لكم اللي بخاطري وابي رايكم

السلام عليكم
اخواتي بصراحه زوجي يحب ينكد علي يمكن لو اكتب لكم بتقولون شي تافه بس دايم هو كذا... ماادري كيف ابدا بس شي بخاطري وودي اطلعه
هو كثيره جلساته بالبيت مثلا يشوفني جالسه يقول ورا ما تروحين تسوين اشغالك >>>طيب انا خلصت اشغالي او بريح شوي
لو تابعت مسلسل قالي غيري اوقومي سوي كذا واذا رحت الاقيه يتابع اللي منعني منه
حتى اللحين مسلسلات رمضان انا ماتبعت بس اذا فضيت شغلت التلفزيون قال رمضان تضيعيه بمسلسل صح صادق بس هو يبدا يتابع الاعادات بعد الفجر:p
لو انشغل بالبيت تعالي سوي لي قهوه اسوي له اروح اكمل شغلي يقول كاني مقطوع من شجره مخليتني وان جلست قال ما عندك شغل:06:
دايم ينتقد اي شي اسويه طبخ او شغل
السحور يبغا خفيف دااايم وامس عندي اختي وسويت كبسه قال يوم جت اختك طبختي لها:hahaha: ويسالني عن روحة اهلي يقولي اذا وديتك متى بنرجع بنرفزه طيب هذا مو وقته تسالني وفيه اختي وروحتنا الاحد
لو دقت اختي او صديقتي بيجون عندي قالي لا يوم فضوا دوروك
اذا نمت جا يكلمني ويسالني عن اشيا تافهه دااااايم
سيارته مصدومه وكل ما جا حط الحره فيني واهله ماساعدوه كل مره هذا كلامه واللي يقهرني زود يقول واهلك امك موظفه ماساعدتني طيب ابوي عطاك سيارته يقول من زينها :oلو شاورني بموضوع وقلت رايي عصب وان سكت قال ماهميتك يعني
ودايم يقول لو ابوك مسوي كذا اعجبك (مثلا اكل جابه من برا مااكلته او شغله سواها)
ويتلفظ علي الفاظ واذا سكت زعلت منه ماكلمته يقولي انتي تحبي النكد:p
لو كلمت امي عصب ليه؟ دايم ؟وش تبي؟؟؟
لو اختي راحت لاهلي يقول طولت وش عندها وووان سكت عصب وقال تحبي اهلك وان قلت هي راضيه هي وزوجها قال زوجها مو رجال او قصدك اني ما اخليك عند اهلك....

وان قلت بكلمه قال مافضيت لك

كل يوم كذا طفشت مدري وش اسوي




32 تعليق 3,779 مشاهدة

شاركي في النقاش

سجلي الدخول لإضافة تعليق.

التعليقات

32
  1. هههههه << والله غصب ضحكت زوجك متناقض مرره ويطفش الله يعينك بس شفتي كل الفضفضه ياقلبي الي كتبتيها روحي واجلسي معه وقوليله بذوق وإن شاء الله يتحسن بعدييييين في شي لفتني ((( يقول امك موظفة لييش ماتساعدني ؟؟ خييييييير مكفله فيه :mad: ,, )))
  2. @ansh_mnshn_obs

    حسيت عمره 60 سنه ابو دحيم ههههههههه
    ياشيخه الفاضي يسوي نفسه قاضي حاولى ماتردي على جميع اسئلته لين يتعود بس كوني هاديه حتى ماينقالك مطنشه وان قالك ابوك وامك قولي له لاتجيب طاريهم و اظن ان اهلي زوجوا رجال ماينظر مساعده من احد
  3. @brorh2

    مبين عليكم لسى صغار
    هذي تصرفات واحد لسى شخصيته مانضجت
    وباين تمرون بظروف ماديه صعبه
    وهذي الظروف لها دور انها تخليه متوتر وماهو قادر يعرف ايش يبغى بالضبط
    الرجال اذا صار مشوش كذا .يبغاله تقعدي معاه تتكلمون كثير في التخطيط للمستقبل
    في برنامج للتوفير .والتخطيط للتحويش .ووضع هدف تمشون له سواء
    وحاولي تتكلمين معاه في الاشياء اللى يحبها
    واذا عنده وقت فراغ شوري عليه يكلم اصحابه اللى من زمان ماكلمهم
    او الخروج للعب الكوره
    او اهديه كتاب يتكلم عن شي يحبه .يمكن يحب القرأه على يدك
    واذا كل هذا مانفع (انتظري لين تكبرو شوي)
    وقولي الحمد لله انه مشغل نفسه فيك احسن ماهو مشغول بالمعاكسات وبنات الحرام

تابعي تجارب أخرى من هذا القسم.