بنات
بدون اي مقدمات
قلت لزوجي يوديني لاهلي
ويوم وداني
طلعت انا واخواتي لحياة مول نتمشى
طبعا ما قلت له لاني اذا قلت له ودني يرفض ويتعذر بالعمل واذا قلت له ابروح مع اخواتي يزعل ويقول مالك زوج يوديك
طبعا انا يوم حطني عند اهلي رحت انا واخواتي وحنا انتمشى قالت لي اختي يا سويرة ابقول لك شي بس اخاف تتضايقين قلت لها قولي
قالت في محل الاكسسوارات الي قدامنا شفت رجلك ومعه حرمه
يؤؤؤؤؤؤ
على طول
قفزت ذيك القفزة
ورميت الاكياس
واخواتي ينادوني
وادخل المحل
واشوفه معطيني ظهره
واسحب شماغه
وطلع رجال ثاني مقرع مسكين
يشبه رجلي
حسبي الله على اختي الرفلا
ولا معه زوجته طلعت عيونها وانا اسحب شماغ زوجها
لا
لا تحسبون موقفي محرج
المحرج الي راح يجي الحين
نشب شماغه في ساعتي
ورحت امشي وانا ساحبه شماغه
ويناديني يا اختي
يا هيه
يا ولد
وانا انواع النحشة
وحلفت ما اروح مرة ثانيه الا مع رجلي
تحياتي
شاركي في النقاش
سجلي الدخول لإضافة تعليق.
التعليقات
140- الله يهديك
تدريين يمكن هذا عقااب من ربي لأنك رحتي من دون ما تعلمي زوجك
بس والله ضحكت على موقفك ههههههههه الله يعينك لا تحسدين علييه - ,
ههههههههههههه وربي يضحك موقفك ..
احسسسن هذا درررس لك .. - ياشين العجله لكن ايش كنتي ناويه تسوين بعد سحب الشماغ
- اولا بقولك معلومة اللي تطلع بدون اذن زوجها تلعنها الملائكة حتى ترجع
ثانيا لوعرف زوجك وش بيصير موقفه؟؟؟؟؟؟؟؟؟ترى ماتدرين ممكن يكبرها الشيطان في راسه مثلك لما رحتي للرجال وانت ماتعرفينه وتخيلي لو الرجال اوزوجته نادوا السكيورتي وتورطتي؟؟؟؟؟؟؟احمدي ربك عدت على خير
طيب لو صار لك شي على الطريق؟؟؟؟؟؟
صراحة انا اشوف انك تنتبهي وماتعيديها
وعذرا على ثقالة دمي توي صاحية من النوم وصايمة وفي بالي وش بينظف بيتي قبل العيد ماااااااااالي نفس - بصراحة فشلة
مواضيع مشابهة
تابعي تجارب أخرى من هذا القسم.