انا اللي طلقني وانا عروس يا بنات شوفوا وش صار معاي ابي شوركم وفزعتكم الحقوني تكفون

1 سبتمبر 2011

السلام عليكم
مالي بالطويلهولا بالمقدمات ابغى فزعتكم لو كنتم مكاني وش كان سويتوا وايش كان ردكم؟؟
وجع راسي هالرجال مادري شسوي به ..؟؟ ولا ادري وش ارد عليه؟؟؟
هذا رابط الموضوع للي ماكانت معانا على الخط
http://forum.hawaaworld.com/showthread.php?t=3263443
تكفون عطوني رايكم باللي صار
طبعا رديت عليه وقلت له اني ماراح ارجع له بس بأسلوب غير مباشر قلت له
انا ما ارضى على نفسي شريكة وزوجة اخرى ولا ارضاها على بنت الناس فأحب لأخيك ماتحب لنفسك
وعيش معاها هالزوجة الجديده وعط نفسك وبنت الناس فرصه انكم تناسبون بعض وصدقني راح تنساني
والله يوفقك مع زوجتك الجديده ..جلس يحاول ويحاول ورفضت اني ارجع له
دق علي بعدها بكم يوم ليلة 29 رمضان وقال انه بيطلق بنت الناس خلال هاليومين لانه ما ارتاح معاها وولاتناسبه
وقال لي ابيكي ترجعين بشروط
1-تشاركيني ماليا فلوس بكل صغيره وكبيرة 3- بحاسبك على كل صغيره وكبيرة واضرب بذلك على يد من حديد
3- جوالك افتحه متى مابغيت ولا تمشحين اي شيء من سجل المكالمات
4- ترجعين احسن من اول
5- عمانك وخوالك وعيالهم وبناتهم وحريمهم وازواجهم وبنات الخالات مايدخلون بيتنا(يقصد الشقه )
طبعا انصدمت لانه جاي يرجعني وبشروط بعد والمشكله شروطه غريبه على شخصيته
المهم قال بكرة ردي علي
طبعا جاء العيد ومارديت عليه ولا بغيت اضايقه بيوم العيد لاني رافضه هالشروط جملة وتفصيلا
يوم جاء ثاني العيد اتصل 3 مرات يحتري ردي فرديت عليه وعلمته اني رافضه شروطه جملة وتفصيلا وفهمته انو انا اللي مفروض اتشرط مو انت لاني انا اللي متضررة مو انت
وفهمته انه شروطه هذي يسلب مني حقوقي الزوجية كاملة من ثقه وحق المال وحق المشاركة بالبيت وغيره كلام كثير وفهمته كلام كثير على كل شرط
رجع وقال انا متنازل عن شروطي كلها الا الشرط الخامس مستحيل اتنازل عنه لن ولم اتنازل عنه البته
حاولت افهمه انو من العادات والتقاليد ومن مبدأ الدين والأحترام والتقدير انو مايصير واذا انا اشرفه فأهلي يشرفونه والعكس صحيح
قال خوالك وعمانك واهلهم وعيالهم وبناتهم روحي زوريهم وصلي رحمهم واسهري معاهم واعزميهم برى بيتي بس يدخلون بيتي لا والف لا
بنات شرايكم الان ..قعد يقول يا بنت الناس انا شاريك ورجعت لك لاني احبك وتنازلت عن شروطي عشانك وبحط لك عين فراش وعين غطى وبدللك اخر دلال و..وو.. وغيره من الامور اللي يجاول يحببني فيها
بس شرطي الخامس ما اقدر اتنازل عنه لا والف لا وعيالي بالمستقبل مايروحون لهم ابد (يعني مايروحون لخوالي وخالاتي وعماني وعماتي وبناتهم وعيالهم)
حاولت افهمه وش قد هم راقين ومتعلمين وفي حالهم ومصر لا والف لا

الان طالب رأيي اليوم او بكرة ويقول اذا توافقين على هالشرط رجعتك بعقد جديد (لانو عدتي انتهت ) بأسرع مايمكن
واذا بترفضين هالشرط بسكر بابك وعمري ماراح ارجع لك ابد لو اني اموت فيكي
لو انتم مكاني وش كان ردكم يابنات ..تكفون ابي رايكم
الله يخليكم
ساعدوني ابي ردكم اليوم بليز مستعجل
يارب فرج همي واكتب لي التدبير من عندك

انا اللي طلقني وانا عروس يا بنات شوفوا وش صار معاي ابي شوركم وفزعتكم الحقوني تكفون

التعليقات

ايش الموقف اللي خلاك تعرفين ان جذور الرضا في داخلك؟

اللي اذا قيمت في شي ان كأنها مسحورة

ابي ردود تخفف علي اللي انا فيه

مين اللي على حق انا او

انا ولدي اللي عمره 16 سنة كلن تعبان فيه حرارة عالية