تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23

ابدا يا شيمو والله بس آخر يومين فى رمضان اتبهدلت فى موضوع الاجازة المرضية وكنت برجع من المشوار وانا قتيييييييييييييله .. الحمد الله قضيت وكتبولى الاجازة وحرجع ان شاء الله الشغل بعد العيد .. شيمو قصتك جميلة قوى ربنا يرزقكك من حيث لا تحتسبى


بنات عيد سعيد عليكم جميعا والعيد الجاى يكون النونو بين ايديكم بتغيرولو البامبرز

ماما قصصك جميلة قوى وكلها تفائل ربنا يارب يهديلك جوزك ويقدرك تعملى المنظار عند عادل وان شاء الله تحملى طبيعى ويديك ربنا حتى تقر عينيك

ام حفصة قصتك جميلة قوى قرأتها فى بريد الاهرام من حوالى 12 سنوات او اكتر ومكنتش وقتها اتجوزت واقولك باقى قصتها .. الشاب اللى امه نكشت لحد ما فشكلت جوازته مع البنت دى اتجوز واحدة صغيرة ومخلفتش ولف بيها على الدكاترة ووقتها رد عليها المرحوم عبد الوهاب مطاوع وقلها بلاش تبصى وراكى واحترسى من الشماته

:icon28: :icon28: :icon28: الف مبروك يا وزتى ربنا يكملك بالشفا وتفرحى ببناتيتك انتى سميتيهم ايه ؟

تومى ازيك يا حبيبتى وعيد سعيد عليكى والسنة الجاية يبقى معاكى عتريس ... انا رحت للدكتور وقالى نفس الكلام حستمر شهرين على السيكلو وبعدين شهر راحة وندخل بعد كده على الحقن ربنا يكتبلنا الخير

شيمو يا حبيبتى عيد سعيد عليكى .. ان بعد العسر يسرا ... ولسوف يعطيك ربك فترضى

مش حتخسرى حاجة يا شيمو لو عملتى تحاليل المناعة والدكتور المفروض كان يديك هوستاكورتين .. ده عبارة عن كورتيزون علشان لو فيه مشكله فى المناعة يهبطها علشان ميطردش الاجنة