انا اللي طلقني وانا عروس يا بنات شوفوا وش صار معاي ابي شوركم وفزعتكم الحقوني تكفون

استخيري

استخيري وتوكلي على الله ورجعي له
مادام أنه شاريك بدل ماتأخذين واحد تكونين عنده عاديه أو تطيحين بواحد شايب يسد النفس
والله يسخر لك ولبنات المسلمين

خلاص انت قوليله كمان اهلك مايدخلوا بيتي
شي غريب صراحة ولا تناقشي الموضوع معاه كمان
هذا متفشل منك ومن اهلك والا ماكان طلقك ولا كمان يبغى يرجعك بالسر
وبعدين انت قلتي لاهلك عن شروطه
اتوقع لو اروح واقول لابوية طليقي يقول بيرجعني بس ماتدخلوا بيتي كان هو بنفسه منعني
انا برايي لا ترجعي له
ياما واحد يعزني ويفتخر فيني انا و اهلي يا اما بلاش
واللي تقول الاهل مايجي منهم الا البلاوي والله محد رباك وكبرك غير اهلك اجي بعد ماربوني اتفشل منهم واقول مايجي منهم الا البلاوي

أرتاح أكثر لقولة مع السلامة لهذا وأشكاله
قولي ليش؟
لأنه الي خلاه يفتح فمه بذيك الشروط من البداية..
ماتضمنين أنها متأصلة في شخصيته بس انتي مابعد شفتيها

لأنك ماشفيت غير شهور العسل<<< وهذي ياكثر المجاملات فيها



ثاني شي:
صح منعه لأهلك يدخلون بيتك صعب بقوة
بس الي أصعب منه وجايب الطامة معه :
أنه مايبي عياله حتى يزورونهم !!!
خيررررر!!!
حشا لو انهم كفار!!!


وبعدين مسألة أنه خلوق>> العرب من انخلقو أهل كرم.. وين الاخلاق والكرم وهو رافض يستقبل أهلك؟؟

ومسألة أنه دين >> وين الدين وهو ناوي ومعزم على قطيعة الرحم قبل يجون العيال في بطنك؟؟


أختي أرجو ماتكون هالصفات الحلوة الي تشوفينها فيه بسبب العاطفة
والحق ينقال أنه عنده أشنع صفات تشوه الخلق والدين
لكن عين الرضا عن كل عيب كليلة

والهواجس الي تقولك أنه بيترك زوجته عشانك
صدقيني ياغالية ياكثرررر اللعب في الرجاجيل من هالناحية،
حتى المتزوج يلعب على زوجته يقول أبعرس عليك
وهو ماعنده طاري عرس بس يبغاها تهتم فيه وتخــق عليه..


وهالإنسان ماتدرين هو بيترك زوجته صدق
أو أنه أصلاً ماتزوج ولاشي بس يخرط عليك!!

ولو كان فعلا تزوج لاتظنين أنه بيرجعلك من دافع حب،، يمكن مسألة مصلحة>> (باين من تفكيره المبكر في راتبك!!!)

بدل مايحط في راسه أنك أنتي اللي مفروض تتشرطين ..
على طول جاي يقولك تعالي وعطيني راتبك!!

وهذا السر: يمكن زوجته الي بيطلقها ماحققت له هالمطلب
أو ماعندها راتب أصلا
^
^
لاتصدقين كثيررر إنه تنازل عن هالشرط

لأن الي به رجولة وشهامة مايفتح فمه بهالكلام أصلاً

ولايجتري على التشرط في مال الحرمة إلا واحد متأصلة في شخصيته الطماعة

وطبيعي يتجمل في شهور العسل وبعدين تطلع لك العلوم :30:

الشاهد: ((( أنه طبيعي شهورك الأولى مايبان لك شي معه )))

وماله أمان .. الي تجرأ يتركك في خلال شهرين
كيف بعد سنة؟

الرجال كثير منهم يكون حبهم قصير العمر (يعني يمل بعد فترة أو سنوات)
المرأة أكثر وفاء.. فلا تجزمين أنه بيكون مثلك وفي
شخصيته وتركيبته النفسية غير تركيبتك


وإذا كنتي مصرة ترجعين له لاحظي الإشارة الحمرا في رد أشواق منسية

وحتى العيال لازم يوصلون أرحامهم



وفكري كثير في ها الكلام



وبصراحة عجبوني بنات حواء كثير من الردود كشفت لي عن ثقل وعقل
فعلاً مو الزواج المفتاح الوحيد للسعادة.. ولا الطلاق نهاية الحياة
والي شاريك يجي بيت أهلك يراضيك
مو من بعيـــــــد ويتشرط بعد!!!


واتمنى الي قالوا الأهل مايجي منهم الا وجع الراس يقرون الموضوع من بدايته
ويعرفون وش سبب إبعاد الأهل مو من نص السالفة يدخلون..
ويكبرون تفكيرهم شوي الزواج مو سقف العالم ولافانوس السعادة الوحيد!!



وآسفة لصاحبة الموضوع إن طولت عليك... بس من جد تأثرت بموضوعك
لأن أعرف ناس تهدد بعض بالذبح عشان هالسالفة الجاهلية!!

وكم مرة سمعت سالفة آل فلان (المتخلفين) قالوا تطلقون الحرمة وإلا بيننا الذبح
وبالذات المتخلفين بقوة >> بالغصب يمشون عيال ولد جد عمتهم على مزاجهم

طبعاً لا أقصد بذلك كل قبيلي، لكن أقصد فئة محدودة من ضعاف العقول وضعاف الدين اللي حكى الله عنهم
وإلا فحتى الأشراف الهاشميين (الله يزيدهم شرف) مايعملون هالحركات (التهديد بالذبح) وهم أشرف الناس

يا أختي أحس أنك باين فيك العقل من أسلوبك ..

وباقي بك طيبة و وفاء .. لكن لناس ماتستحق

لو نــجوتي بنفسك لعله خير لك
والله يكتب لك الخير وين ماكان

ويفرج أمرك وينصرك على من ظلمك