شاركي في النقاش

سجلي الدخول لإضافة تعليق.

التعليقات

2,392
  1. @am_mhmd_kon

    سما اسبانيا
    هدا رئي شخص كاتبه في الفيس بوك يوجهه لمحمود جبريل وياريت يابنات تعطوني رائيكم بكلماته من جهتي انا نشوف ان رائيه صحيح مع اني نحترم محمود جبريل السلام عليكم ورحمة الله رسالة الي الاخ محمود جبريل لماذا تريد ان تستعين بطاقم مصري ٥٠٠٠٠ ال…
    السلام عليكم
    اني عن نفسي اول ماقريت القرار قلت شن الخرط هدا بدل مايحلو المشكلة جدريا يحطو حل تلفيقي مؤقت
    بدل هالدورة كلها لو نقدر نقترح
    شن المشكلة اللي عندنا في التعليم
    المدرسين متوفرين لكن مش زي مدرسين زمان والسبب نقص في اصول التدريس وقلة فهم للمنهج واكثر شي غياب الضمير المهني
    بدل مايجيبو بلي من برا نعالجو بلانا لان مصر ماشية بالدروس الخصوصية
    وبدل مانوسعو الحلقة يديرو دورات في ليبيا للمدرسين ويجيبو ليهم موجهين من دول التعليم فيها كويس لكن بما يتماشى مع بيءتنا واللي يخليني نقول هكي المنهج اللي استورده النضام الفقيد من سنغافورة وهولا يمت لنا بصلة خاصة العلوم وعلي فكرة هو نفس المنهج الياباني بالضبط لكن حاشا الكتب شن جاب لجاب في اليابان مافيش مخانب باش يخنبو الفلوس ويقصرو في وساءل الايضاح
    وحاجةثانية الدورات تكون حتى لاولياء الامور في مايخص الابناء
    لان المدرسة مش قراية بس زمان كانت تربية وتعليم
    لو نتمنى حاجة لبلادنا هي مدرسين يابانيين لكن للاسف مايمشوش معانا والا المدارس في اليابان غير وسوري طلعت من الموضوع
  2. @am_altrys

    كريستاله كحليه
    لاالله الاالله محمد رسول الله
    أسفرت وانورت على قولة منتدانا :32:
    أهلين ومرحبتين ليك وحشة ولولا ظروفك مش عارفة خالتك ام التريس شن دارت فيك :angry2:
    وين هالغيبة ياعسولة يالله همتك وشاركينا الفرحة ياقلبي
    أخبارك واخبار أهلك ان شاءالله يكونوا بخير
  3. @am_altrys

    سما اسبانيا
    هدا رئي شخص كاتبه في الفيس بوك يوجهه لمحمود جبريل وياريت يابنات تعطوني رائيكم بكلماته من جهتي انا نشوف ان رائيه صحيح مع اني نحترم محمود جبريل السلام عليكم ورحمة الله رسالة الي الاخ محمود جبريل لماذا تريد ان تستعين بطاقم مصري ٥٠٠٠٠ ال…
    نحس فيه الخبر أشاعة وإن شاءالله مايكونش صح
    وأنا اللي سمعته انه عملوا تنقيح للمناهج بس وأكيد حذفوا منه الخرط متاع الطاغية وكتابه الاخضر وسمعت انه يطبعوا فيه في مصر إذا كان هكى عادي
    لكن حكاية المدرسين اللي من مصر ياودي هذه لا لا لا لا وهذا ليس تقليل من أخوتنا في مصر لا بس لأنه عندنا مدرسين كفاية
    ويابنات خالتكم أم التريس مدرسة وعزوزة في التدريس وأشتغلت حتى في مدارس خارج ليبيا وعاشرت مدرسات من مختلف الدول العربية والله المدرسين الليين كفوء ولايقلوا عن المدرسين العرب
    بس يبوا شوية مراقبة يعني يكثروا من الموجهين التربوين ومن زياراتهم للمدارس بس ومافيش داعي لأحضار اي مدرسين من بره

    هذا رأي الشخصي وبحكم خبرتي في مجال التدريس لسنيين طويلة داخل وخارج ليبيا
  4. @am_altrys

    أم التريس
    نحس فيه الخبر أشاعة وإن شاءالله مايكونش صح وأنا اللي سمعته انه عملوا تنقيح للمناهج بس وأكيد حذفوا منه الخرط متاع الطاغية وكتابه الاخضر وسمعت انه يطبعوا فيه في مصر إذا كان هكى عادي لكن حكاية المدرسين اللي من مصر ياودي هذه لا لا لا لا وهذا…
    تم استبعاد اسم معمر القذافي من المدينة الادارية بماكو - مالي - والتي كانت تسمى "مدينة معمر القذافي الادارية"... نقترح أن تسمى مدينة 17 فبراير.

    مع العلم بأن هذه المدينة السكنية قد تم بنائها بتمويل ليبي يعني قرض من المصرف الليبي الخارجي وتنفيذ شركة البناء والتشييد ويدير ادارة المشروع كادر ليبي من المهندسين وكانت الحكومة المالية قد اطلقت اسم بوشفشوفة على المدينة الادارية في العيد الخمسين لاستقلال مالي وكان من المتوقع ان القرد بوشفشوفة يهدي المدينة للشعب المالي بمناسبة عيد الاستقلال... والحمد لله لم يحدث هذا والأن الحكومة المالية ستكون مطالبة بتسدي القرض وفق العقد المبرم بين الحكومة المالية و مصرف ليبيا الخارجي.



    ههههههههههه يابنات لوكان الخبر صحيح نقولوا لبشفشوفة

    معليشـــي شفشـــــــوفة

    يستاهل المجرم يبني ويوزع في فلوسنا يمين ويسار وأحنا الليبيين يعلم الله بحالنا وشبابنا اللي مش لاقي حتى دار يتزوج فيها

تابعي تجارب أخرى من هذا القسم.