شاركي في النقاش

سجلي الدخول لإضافة تعليق.

التعليقات

10
  1. @am_alaayal99_1

    السلام عليكم ورحمه الله وبركاته
    يسعدنى اختى انى افيدك فى موضوعك عسى الله الكريم انه يجعلنى سبب فى ذهابك للدار وان شاء الله تختمى القران الكريم هناك
    بالنسبه للدار انا درست فيها فترة وسبتها لظروف بيتى وعيالى مقدرتش اكمل
    المهم التسجيل تروحى فى الفترة اللى انتى عايزة تسجلى فيها يعنى صباحى او مسائى ازا صباحى هتاخدى علوم شرعيه ودورات مع القران طبعا وازا مسائى اتوقع مفيش علوم شرعيه يعنى قران بس لانى كنت صباحى
    المواعيد من الساعه 7 صباحا الى 10 ونصف
    الرسوم ايوة برسوم الدورة ب150 ريال يعنى الترم والمواصلات ب300 والحضانه ب300 وكمان فيها روضه وتمهيدى ب4000 تقريبا للسنه مش متاكدة اوى من المعلومه دى
    المواعيد من السبت الى الاربعاء
    معرفش فيه برمضان ولا لاء بس اتوقع فى ب شعبان لان برمضان صعب الدوام
    فيها نظام خاتمات مجانى بس المواصلات بفلوس

    اما عن الدار نفسها فهى تابعه للندوه العالميه للشباب الاسلامى
    وفيها مدرسات سعوديات ومصريات وبصراحه ماشاء الله كلهم احسن من بعض فيها فصل نون ساكنه ومدود وخاتمات
    وامهات ومكتبه وبوفيه ومحلات صغيرة بتبيع توك للشعر وحركات يعنى وعن النظافه الدار مبناها نظيف جدا

    وكمان علشان خاطر عيونك دا رقم التليفون تبعهم( 2679612)

    واى سؤال اتفضلى او ابعتيلى على الخاص ولا اقولك اتصلى عليهم اسهل <<<<<<بضحك معاكى اسألى فى اى وقت

    لاتنسينى من صالح الدعاء وان شاء الله ربنا يكرمنى بحفظ كتابه الكريم ويهدى عيالى وزوجى ويجعلهم لى قرة عين
    فى امان الله

تابعي تجارب أخرى من هذا القسم.