من لها خبره بتربية الطفل نفسيا تتفضل تساعدني...ربي يعافيكم ابني تعبني

كانك تتكلمي عن ولدي وبنفس العمر وبكري
سبحااان الله
يفشللللللللللللني قدام الناس لدرجه يقولو لي شوفي شيخ يقرا عليه
وهو مافيه شي س يتدلع لاشاف الناس
على اني مالبي طلبه لو يتقطع بس مو راضي يسيب الطبع هذا

انا عندي نفس المشكلهنفس المشككله

نفس الحاله
الله يصلحهم

انا حأقلك على حل تجربية بس لازم تنجحي فيه وتتحدي نفسك
بما انو ولدك الله يحفظو كبر فراح تتعبي شويا بالأول بس لاتيأسي لانو حيكون دا العلاج زي السحر لشقاوات الاولاد وراح يكون عندك **** الله طفل مثالي
اول شي ابدا ابدا لاتصرخي عليه او تكلميه بصوت عالي وخليها فكره دايما فبالك اقنعي نفسك انو انتي بتكلمي انسان كبير وله كرامة ابدا لاتنظري انو بتكلمي طفل شيلي دي الفكره نهائيا من راسك
في كل امور حياتو كلمية انو انسان كبير وحطي نفسك مكانه هل ترضي احد يكلمك بنفس الاسلوب لو ماترضي على طول غيري الاسلوب والله دي الفكرة راح تقلبلك ولدك حتى في ابسط الاشياء حتى لو طلب شي وانتي منتي راضية لا ترفضي كدا من الباب للطاقة لازم تجلسية وتجلسي تتكلمي معاه مافي ابدا كلمة لا من غير سبب
وكمانا مره مهم تكلميه بلغة الكبار ابدا لاتتكلمي معاه انو طفل وحتشوفي دا الشي وتفتخري فيه بعدين تكلميه بلغة الكبار من اول يوم فحياتو ولا تقولي صعب
واهم شي والشي السحري اللي قلتلك عليه
كرسي الشقاوة
انا كدا مسمياه لولدي
دا بالنسبة للطفل اكبر عقاب
وراح تتخلصي من مشاكل كتير معاه
نجي لسياسة دا الكرسي
كل سنه من عمر الطفل تتحسب بدقيقة
يعني ولدك 6 سنوات يعني يجلس عليه 6 دقايق
الكرسي دايم فمكانو مو مره في الغرفة مره في المطبخ مره عند التلفزيون لا كدا ماينفع
ماتحطي الكرسي فمكان مخيف ولا فمكان جلستكم
لما يكون في الكرسي حسسي نفسك انو ما كانو في احد يعني يكلمك لاتردي يطلب شي ولا كانو سامعة شي اصلا لاتطالعي فيه ابدا
اول ماتجلسيه عليه انزلي لمستواه قوليلو انا حطيتك هنا فكرسي الشقاوة لانك عملت كدا وكدا لازم تقوليلو ايش السبب
في البداية يمكن حيكون الموضوع صعب بما انو الولد كبر بس معليش حاولي الف مره مو بس مره
لو قام من الكرسي ارجعي رجعيه وعيدي الوقت من جديد وخبريه بدا الشي انك حتخليه كتير لو قام
اقري في النت عن وسيلة العقاب دي وخدي معلومات لان بصراحة احسها كنز كتير من الامهات مايعملوه
بعد مايخلص الوقت قوميه من الكرسي وخليه يعتذر وبعدها ولا كانو شي صار لاتكلميه في الموضوع
لاتخلي دا العقاب على كل شي ولاتعاقبيه فيه على طول لو عمل الشي اللي ينرفزك هدديه مره واتنين قوليلو لو ما بطلت حاوديك كرسي الشقاوة
لو كنتي برا البيت لو مثلا عند اهلك برضو عادي خليلو كرسي شقاوة اي كنبة في اي غرفة بس برضو مو كل مره فمكان خليها نفس المكان
يااااااااااارب اكون افدتك و**** الله تلاقي الحل ويصير ولدك احسن ولد