بالله شكي في محله ولا وانا راضيه بل تكتبوا

اخواتي انا متزوجه من سنه وعندي بنت الحمدلله خرجنا انا وزوجي نعيد عند خالتوا طبعا اول مره من زواجنا يعني اول مره اشوفهم بعد الزواج

المه روحنا عند خالتوا انا اعرف انو عندها نتين وحده مو متزوجه ووحده متزوجه وعايشه في منطقه بعيده

المهم قالي انا انزل واشوف هم في ولا ونزل ورجع وقالي فيه وذكر اسم المتزوجه وقالي فيه والفرح باين على وجه قلت عادي المهم


ودخلنا وسلمنا وكلو بعدين وانا نزله من الدرج وهيا في الغرفه وهو بره مع امها يقولها ها شوفتي بنتي قالتلوا ايوا يعني بالله انا كانت جالسه في السطوح طبعا معاهم وست وركبنا السياره وقلتوا كيف تكلم بنت خالتك


قالي عادي وعيد عليها مافيها شي وهو منبه علي اني لمن اروح بيت احد من اهلي اجلس في مكان واحد يقولي عشان محد يشوفك والله اسمع كلامه حتى مااقوم اساعدهم في حط العشاء وكده واستحي كلهم يقوموا

المهم رجعنا البيت رجعت سالتوا طنش مره ولا كاني اكلمه الي مستغربه منه ليش ماعيدي طيب على التانيه ولاكلمها رغم انها مو متزوجه



وتاني يوم هم جو عندي وهو كان عارف انهم جايين والله انه كل شوي يغير يقولي هاد احلى ولاهاد وانا مستغربه اول مره يسوى كده وقلت برضوا عادي المهم هم اتاخرو ماجو بدري
فهو خرج
راح عند اصحابو وانا استقبلتهم

وهيا لمن دخلت والله استغبتها منها سالتني عنو امها ماسالت وهيا سالت وانا استغربت بس مااتنقاشت معها عشان هم في بيتي وماابغى اي كلام يطلع على


ولمن رجع وعرف انهم جوا ماخل ولابقى تخيلا قالي انتي قليلت حياء ليش مااتصلتي على قلتلوا ات امس كنت عندها عادي لو انا استقبلتها


ومره خالتوا نفسها كانت جايه عندنا وانا ساكنه قبال اهلوا وهو كانبره دوبو جاي وهيا كانت عند باب اهلوا ولاسلم عليها ولا شي وقالي ماابغاها تجي عندي



ودحين مسوي فيها زعلان مره والله قهرني وجلست ابكي قالي كلام يجرح وانو طفش من العيشه معايا


والله مره عصب انا انفجعت منو اول مره اشوف كده والموضوع مايستاهل والله مو عناد ولاشي بس انا شفتها عادي انو مااتصل عليه



بالله يكون في شي بينهم او انو كان ولاايش هاد التصرف



انا صح ولا قولولي بكل صراحه ودحين لنا يومين مايكلمني