شاركي في النقاش

سجلي الدخول لإضافة تعليق.

التعليقات

361
  1. أناوالصمـــت
    انا الاول عملية والثااني طبيعي العملية ماله داعي اقولهاا .. تمووت رعب بقول الطبيعي الدكتور سوري ودب بالمرره ويدة كبيره وكل مااكشف يوسع واناا تلقووني طاايره قداام السرير والسسترات يسحبن فيني تحت لما ربطن رجوولي وانا احلف مااروح …
    الله يسعدك عيونى دمعت من الضحك ههههههههههههههه
  2. @am_lanaolyn

    انا ياحبيباتي كنت لمن اشوف في المسلسلات والافلام لمن تجي الوحده تولد تصرخ هذيك الصرخه وتولد لوووووووولي مبروك جالك عريس فخلاص علق في راسي هذي الفكره واتاكدت منها لمن جيت اولد في ولادتي الاولى رحت المستشفى عادي بعد مانزل مني دم طلع في طلق بس الرحم مو راضي ينفتح طبعا اعطوني ابرة طلق وبعد سته ساعات رحت الله يكرمكم الحمام وفجاه ينزل مني قطعه كبيره دم انا قعدت اصيح واقلهم بنتي طاحت في الحمام طبعا انا مادققت من الفجعه انا شوفت حاجه كبيره خرجت وبس جات اللممرضه مفجوعه ودخلت وشافت وطلعت تضحك وتقول مادام هذي السداده بس خلاص ذحين ولاده ودوني غرفة الولاده وانا هناك اسمع الحريم يصرخو وبعد كل صرخه تسمعي صوت البيبي وااااااااو واااااو بس واختكم في الله تفتكر الافلام والمسلسلات لا وكمان حتى على ارض الواقع خلاص قلت مافيها جاري التطبيق وابدا في الصراخ واستنى اسمع صوت البيبي مافي الممرضه انفجعت وراحت تنادي الدكتوره وانا لسه اصرخ الحمدالله والشكر ليه لسه مافي وااااو واااو شكله النغمه غلط بس وتجي الدكتوره المصريه وانا مجهزه نغمه جديده تقولي مالك في ايه بتزعئ ليه قلتلها انا اشوف كل وحده تصرخ تولد قلت بس هذا هوالسر جلست تضحك وكشفت وفكت المويه وقالت دلواتي حتعرفي هم بزعؤ كده ليه وطبعا قالتلي انه مش الصراخ الي يولد بس انتي لازم تكوني صاحيه وقت مايجيكي الالم تدفي وحتولدي ان شاءالله طبعا بعدها شوفت الالم الي من جد يخليكي تصرخي بس طبعا انا بعد ماسمعت كلام الدكتوره حاولت قد مااقدر اني مااصرخ حتى الصوت الي كان يطلع مني مو مره عالي خفت انه في وحده زي ماتفهم وجي افجعها والحمدالله ولدت بنوته زغنونه بس الفشله انه سيرتي صارت على كل لسان كل ماتجي ممرضه او دكتورة تضحك وتذكرني
  3. الله يسعدكن أخواتي
    أنا ماعندي مواقف مضحكة لأني خواااااافة من الولادة بشكل فضيع
    لكن أذكر في بنتي وبعد ما خلاص جبتها ناديت القابلة الهندية اللي ولدتني : تعالي سستر
    الهندية : اس فيه ؟
    أنا : تعالي بس
    لين ماقربت مني وأمسك يدها وأحضنها وأقولها : أحبك مراااا أنتا طيب .. أنتا حلو

    قسم بالله لو معي في ذاك الوقت فلوس كان أعطيتها كل اللي معي

    كل مشاعري وعواطفي انصبت على ذا الهندية

    الله يساعدنا بس ويقومنا بالسلامة كلنا يا أخواتي الغاليات

تابعي تجارب أخرى من هذا القسم.