صديقة السوء ونشر سمها في بيتنا ابي حل رفع الضغط في الداخل
بسم الله الرحمن الرحيم
السلام عليكم ورحمة الله وبركاته
اليوم عندي مشكله اعاني منها لاخر درجه طفشت ومليت من هالموضوع الموترني الي هو صديقة اخت زوجي في عمرها وكانو بنفس المدرسه وصارت معها في الجامعه والحين هم في نفس القسم المشكله وين المشكله في هالبنت كان عندها صديقه مره قريبه منها ولاكن هاذيك تركتها وصارت دايم مع قريباتها وتعلقت بأخت زوجي الطيبه الي على قلبها على لسانها زي ماتربت خلوني احكيلكم شخصية كل شخص في القصه عشان تفهمون ابعاد المشكله ابدء باخت زوجي هي يتيمه من الام زي ماقلت قبل هي تربت من صغرها على ترابط اسرتها اخوانها وبذات زوجي مايرفضون لها طلب الكل مدللها من ابو واخوان واختها الوحيده المتزوجه نجي لي انا شخصيا مدلعتها دايم معها اسمع لها واحبها زي اختي وانا الصدر الحنون الي ترمي همومها ومشاكلها عليه كاتمة اسرارها نجي لصديقتها البنت من عايله مفككه امها مطلقه ابوها عنده اكثر من زوجه واخوانها كثيرين لاكن كلهم اخوانها من ابوها عايشه حاليا مع امها وجدتها البنت تطلع تروح تجي على كيفها محد يقول لها شي ابوها مو في الرياض وماله شغل بها لكن انا في البدايه شفت ان البنت عاديه بس مع الوقت اكتشفت ان البنت فيها خبث الويل ومسويه لاخت زوجي غسيل مخ الحين هي تبي اخت زوجي زيها دايم لحالها وماتبيني انا ارتبط معها واقوي علاقتي بها ولا زوجي في البدايه تقولها تعالي عندي بعد الجامعه وشوي شوي تمادت البنت صارو يروحون استراحه مع بنات خالتها وصديقاتهم او عند صديقات ثانيات وعلى اساس انها في بيت هالبنت يطلعون سوق مع بعض كانت اخت زوجي تقولي روحي معي انا وسلفتي الثانيه بس بعدين صارت تقولها تعالي نروح مع بعض لحالنا ويروحون مطاعم لحالهم غير ان البنت صارت ماتستحي تجي بيتنا وتنام عندنا وفي بيتنا زوجي واخوانه بعدها صارت تركب معنا نوصلها مع زوجي او اخوانه او ابوه الي انا زوجة ولده نادر مااركب معه ومستحيه منه بعد وشلون بنت الناس والين وصلت معها انها تروح معنا لبيت اختي وتخليهم يوصلونها بيتهم الين اختي زعلت من بناتها مره احراجات حطتني فيها بسبب هالبنت كل شي تخليها معنا كرهتها واخر حركه سوتها برمضان وحده تروح لناس ضيفه تحترم نفسها مو تتحكم في الناس ومن تجلس تفطر معه مع اني كنت بعتبرها زي اخت زوجي وخليتها تجلس معنا في سماط الحريم مااعجبتها الجمعه ودايم اذا شافتني دخلت عند اخت زوجي يتغير وجهها وتزعل واحسها تنتظر مته اروح من الغرفه عشان تستانس حاولت اخلي الوضع عادي واسولف معها بس البنت ابدا ماتعطيني وجه واخت زوجي الله يهديها كل شي يصير ببيتنا لازم تعلمها عنه خصوصيتنا بس الحين ماعاد تروح لها لان زوجي واختها هاوشوها وطبعا هي الحين مفهمه اخت زوجي ان اخوها واختها معقدين ومرضى وانهم مو فري رغم اننا الحمد الله مانترك مطعم ولا كوفي ولا مول الا نروح له ودايم نسافر برا المملكه لان من طبعنا الوناسه والفله لاكن بحدود الادب والدين والعادات والتقاليد الي تربينا عليها من صغرنا
بنات لو اي احد يبيني اروح معه او بيجيني احد وانا بروح لاهلي مستحيل مااروح لامي لانها اهم من كل الناس بالنسبه لي اخواتي اهم من فلانه وعلانه تخيلو اخت زوجي العكس صارت تفضلها علينا وتزعل على اخوها لانه يبيها تجتمع معنا عشان وحده اسمها صديقتها الظاهر اهلها اهم وصارت ترمي كلام انا مره زعلت منه وابد مااعجبني واشوف انه من الغلط اقول هالكلام ولو ان عقلها راجح ماقالته
قررت اخت زوجي المصون انها تسوي لها حفله وتجيب لها كيكه وتعزم بعض صاحباتها لانه يوم ميلادها ميلاد صديقتها
مو قلتلكم كل شي صار لها وبس ماكانت اخت زوجي كذا قبل زكثير بنات دخلو الجامعه وتخرجو منها لاكنهم ماتغيرو على اهلهم او ابتعدو عن مجتمع اهلهم عشان صديقه بنات ادعو ان ربي يبعدها عن هالسوسه صدق هاذي صديقة سوء