هل حبوب الحديد ضروريه بالتاسع؟؟؟

السلام عليكم

كيفكم بنات

اناحاليا بالشهر التاسع خلصت منه اسبوع

الله ييسر ويتمم على خيير يااارب وكل مسلمه ...

سؤالي .. انا من بداية الشهر السابع وانا قاطعه الكالسيوم والحديد وكل شي زي الاسبرين والفيتامينات..
يعني قعدت خلال هال 3 شهور بدون الحديد والكالسيوم والفيتامين

من يوم دخلت الشهر التاسع واحس بدوووخه

واحس جسمي طاااااايح مافيني حيل لشي ,,,
مادري هو فقر دم...؟؟ هل ينزل فقرالدم بالشهور الاخيره..؟؟
مع انه كان بالسابع تقريبا 10
بس تركت الحبوب اهمال مني :(

انتظرررركم

11 تعليق 48,369 مشاهدة

شاركي في النقاش

سجلي الدخول لإضافة تعليق.

التعليقات

11
  1. @aby_asmyh

    انتبهي لا يكون عندك فقر دم
    ومعروف مو زين تجيك الولادة وانتي معك فقر دم
    لا قدر الله يجيك نزيف بسم الله عليك

    اهم شي الشهور الاخيرة تستمري ع الحديد
    كلي حبتين او ثلاث باليوم

    انا دكتورتي كتبت 3 حبات باليوم والحمدلله ارتفع الدم عندي قبل اولد
    حتى نومي تكفيني 5 ساعات واكون مصحصحة ونشيطة اللهم لك الحمد.
  2. @am_tona

    انا ياحبيبتي مااخذته ابداً بحملي هذا
    ويوم دخلت التاسع صرت ادووووخ وصار يغمى علي
    عملوا لي تحليل وطلع فقر دم حاد
    وصرت اخذ ابر حديد يوم من ورا يوم سبع جرعات بالاضافه الى حبيتين حديد باليوم
    لانو قالت لي الدكتوره نخاف يجيك نزيف لاسمح الله وقت الولاده
    ضغطت ع نفسي واخذت الجرعات كلها ومستمره اخذ حبوب الحديد الان
    ليتني من اول اخذتهم ولا تكيسلت
    الله يستر قربت ولادتي ادعوا لي مايجيني نزيف
  3. @rghm_algrah_abtsm

    حراااااااااااااااام عليك اساس الحديد تاخذيه بالشهور الثلاث الاخيرة ... انا مع انوو منتظمه عالحديد والفوليك واتغذى زين توني اخر مره سويت تحليل وطلع الدم عندي نازل قالت لازم تاخذين حبتين باليوم وماتتركيه وخصوصا" الجنين يكبر بسرعه بهالاشهر فهو يمتص اكبر قدر من الطاقه اللي في جسمك
  4. انا اليوم كان عندي موعد وحرصتني الدكتوره على الحديد وانا بااخر التاسع انتبهي

تابعي تجارب أخرى من هذا القسم.