النصيب يصيب ...من مكان وطريقه غير متوقعه .../ قديم

الله يسعدك يا رب ويعطيك اللي ببالك .. :) قولي عقبال ما يفرحوا باولادي انا متزوجة من 10 سنين

اعرف موظفه بالمستشفى معي سبحان الله كانت تقول ياربي متى اتزوج وخلاص بصك الثلاثين <<<< مدري شفينا يالحريم نخاف من شبح الثلاثين ... المهم هي من ام اجنبيه ومحد يبي ياخذها عاد سبحان الله جا خطبها واحد بالمستشفى موظف زميل لها بحككم ان امه اجنبيه بعد وسبحان الله الله رزقهم ببنتين وولد ..

تشجعت أكتبلكم كمان قصة اختي التوأم تزوجت من 9 سنين طبعاً لكن القصة كمان دليل على النصيب ...

لما اتولدنا انا واختي كنا خداج مولودين 7 شهور وكانت أيامها الحضانات متواضعة مش هالتطور الفظيع .. والدكاترة قالوا لأهلي شهرين وبترجعو تستلموهم.. بابا كان عنده شغل في ألمانيا فسافر بعد شهر هو ماما وتركونا في المستشفى بالكويت بس أقاربنا كلللهم كانوا بالكويت .. المهم بعد ما صار لنا 40 يوم اتصل المستشفى بعمي الكبير وقالوا له تعال استلم البضاعة هههه هو أخدني عندهم بالبيت و عمي (اسمه مصطفى عشان لا نتخربط) اللي أصغر منه على طول اخد اختي ..
لما وصل عمي مصطفى البيت كانت مرته الله يرحمها حاملة اختي على ايدها و اول ما نزلت من السيارة لقيت ليرة دهب في سنسال وأخدتها وقالت لعمي انه (هالبنت رح يكون الها عندنا دهب) يعني اعتبرت الدهب من نصيب اختي لانه لقيته وهي معها...

المهم انه اصغر اولاد عمي كان اكبر منا بأربع سنوات و طول ما أختي ببيتهم (حوالي أسبوع) وهو غيران منها ويقرصها ويبكي كل ما امه شالتها ... والأكيد انه كرهها كره العمى لانه كان المدلل بين 7 اولاد..

بعد هالحكي احنا سافرنا وهم بقيوا في الكويت لحد الحرب واجوا على الاردن بس علاقتنا فيهم ما كانت منيحة بسبب خلافات بين الاعمام والوالد .. وكنا نشوفهم في السنة مرة او مرتين و ما في اي تعامل بيننا.. وتوفت مرة عمي وبعد وفاتها بخمس سنين ابنها اللي كان الصغير والمدلل خطب أختي بدون أي مقدمات ولا اي بوادر ولا حدا من كل العيلة توقع بسبب العلاقات المتوترة ولانو فعلا ما بنعرف بعض واختي كان جايها خطاب وما قبلت حدا منهم ...

والحلو انه ما حدا كان عارف بقصة الليرة الدهب الا عمي ومرته الله يرحمها .. وحكالنا هو هالقصة يوم الملكة .. والأحلى ان تلبيسة أختي كانت نفس الليرة بس في برواز وسلسلة جديدة.. :)