أنا مع الاخت نوال .المسألة مافيها غش ,هي اتفاق إذا رضيتي بالنسبة فالحمد لله وإن مارضيتي من حقك ترفضي
بس بقولك : انا تعاملت كتاجرة وكمندوبة على خفيف
وبصراحة أحس إن المندوبة تتعب في تسويق البضاعة والتاجرة تتعب لأن لومانباعت البضاعة أو تلفت فالخسارة عليها هي عشان كذا هي مسألة اتفاق وفي طريقتين تعاملت أو سمعت بها وهي
1- إن التاجرة تعطي المندوبة البضاعة وتقول ابغى في الحبة مثلا 30 ريال وانت وشطارتك الزود لك إن شاء الله تبيعيها ب100 يعني هي ماتحدد السعر أنت اللي تحدديه
2- إن التاجرة تحدد سعر الحبة أو القطعة كأن تقول بيعي القطعة بأربعين ولك عشرة ففي هذي الحال مالك حق تزيدي السعر لأنك لاتملكين البضاعة وصاحبتها لم تعطيك الإذن في ذلك
لكن شوفي حبيبتي ان كنتي من النوع الجريئ ومعارفك كثير ترى النسبة البسيطة تكثر مع الوقت يعني لو بعتي 200حبة بمكسب 5 ريال معناه كسبتي ألف بعكس السلعة اللي ماتمشي وتقدري في البداية تجربي ومتى ماحبيتي ممكن تتركين الموضوع بالكلية وقولي للتاجرة هالكلام انك راح تجربي لمدة شهر مثلا وان ماناسبك الوضع تبطلي
مع تمنياتي لك بالتوفيق واستخيري قبل كل شي
التاجرة والمندوبة ؟؟؟ كم النسبة ؟؟؟$$
متابعة النقاش، صفحة 4