ضعف التركيز وتشتت الانتباه وفرط الحركه......الى كل ام تعاني من هذه الاعراض عند اطفال

متابعة النقاش، صفحة 23

شاركي في النقاش

سجلي الدخول لإضافة تعليق.

التعليقات

2,546
  1. @am_saad_1413

    مشكلة بنتي غريبه لانها ابد ما تستجيب الا اذا تبي غير انها ما تتكلم ولا كلمه ما ورها غير الصياح يارب يفرجها بس والله طول النهار صياح
  2. السلام عليكم انا قصتي مع ابنتي غير انا ولدتها خارج السعوديه وكان عندها عيب خلقي بالكلى كلها جهه واحده لازقه ببعض سبحان الله ومراجعات وكان عندها ارتجاع بسيط بالبول وقعدت على المضاد سنتين واكتشفنا خلال هالسنتين خلع بالورك وسوينا لها عمليه وجبس وبعد 5شهور فكيناه وبعد فتره مشت وحملت وجبت ولدي يوم كملت سنتين جبت ولد وانشغلنا ماسولفت بنتي وكنا بغربه ما كنت اسولف معها بعد ما كملت اربع سنوات رجعنا السعوديه وكلهممستغربين انها ما تسولف وخوافه وبعد ماخلص ولدي اربع سنوات ولدت وجبت بنت وبعدها ب8شهور طلعنا خارج السعوديه لعمل لزوجي وتاخرت بنتي سنه ما دخلتها المدرسه لظروف طبعا ما تعرف تسولف كلامها تشقلب الحروف دخلت صف اول وكانت استاذتها متعاونه وحفظها صعب جدا وسولفها خرابيط في الاغلب بس اذا سولفت معنانفهمها بس كثير ما يفهمها المهم عدت اول وثاني وصلت ثالث طلعتها مدرسه ثانيه وكانوا مستغربين كيف نجحوها وهي ما تعرف تقرا والاملاء معدوم واجتهدوا معها فتحسنت شوي وكنت اقول لزوجي دايم بنتي فيها شي لازم نوديها واخيرا اقتنع وديناها مستشار وقال الصدمه انا بنتي تعرضت لنقص اكسجين وقت الولاده فاثر على الذاكره وسبب عدم التركيز فكانت صدمه لنا لاننا اهملناها من البدايه اخذت العلاج فتره وحسينا ببعض التحسن ودكتورها سافر وما رجع وانا رجعت السعوديه وكا اهلنا ملاحظين عليها بس ما يقولون لي والمشكله اني ما احب تلمسني ومن زمان ما ضميتها لصدري وما اقدر والله ثم والله ما اقدر كل جسمي يحتر واضيق ما ابغاها تقرب مني وما هي شايفه حنان مني وانا نقهوره من نفسي بس غصب عني وزاد البله طين جتها الدوره وهي ما هي مستوعبه الامر وتعبت وجسمها اكبر من عمرها اول مره اكتب بس ما اقدر اقل لاحد الناس ماترحم الفزعه بالمشوره ياخواتي وراح اشوف ردودكم اذافتحت النت لاني ما اقدر افتحه يوميا اشوفكم على خير
  3. @konsrta

    غيوره..قصة بنتك مره اثرت فيني وخصوصا بعد ماجتها الدوره انا ما ابي الومك كثير لانك حاسه بهذا الشي بس المهم انك تتخذين خطوه ايجابيه حاولي تفهمين بنتك وتعلمينها على كل شي حوليها وكيف تهتم بنظافتها الشخصيه والصح والغلط وتتحسسينها انك تحبينها وتثقين فيها خليها تشاركك في اختيار اللبس والاكل وامدحيها بالاخص قدام الناس واشكريها على اي شي تسويه حاولي تعطينها اي مسؤليات ولو بسيطه المهم تقوي ثقتها بنفسها مسالة نقص الاكسجين هذا امر الله وانقضى المهم نحاول نعدل ونطور اي شي يخدمها في حياتها لاتنسين هذي بنت وانت عليك مسؤليه كبيره ادعي ربك يعينك وينور بصيرتك على كل مافيه خير لك ولهاوالله ييسر امرك .
    توم ..وين علوم غلو ننتظر دخولك .

تابعي تجارب أخرى من هذا القسم.