اخواني بيتذابحون بيتنا في هم مايعلمه الا رب العالمين 000 ادعو لنا الله يوقفكم

بنات الله يخليكم ادعو لنا احنا في هم مايعلمه الا رب العالمين:icon33: ابويا متوفي من عشر سنين الكبير مسؤل عن مصاريفنا يعني مستوره طبعا ابوي كان ماعنده وظيفه هذي ورث من جدي شويه عقارات يادوب تكفي مصاريف لان اخواني كثاااار لاخر الشهر بس المشكله عندنا ولد لاحول ولاقوه الا بالله لاوظيفه زلادراسه في العشرينات مستهتر لابعد حد يبغى فلووس باي طريقه من عشر سنين معذبنا مشاكل ليل ونهار مافي راحه منه ابدا ندعي عليه بالموت ليل ونهار مابقى احد ماكلمناه يمكن يهتدي شيوخ واقارب ومافي فايده تصرفاته في زياده امي مريضه ماعاد قدرت تتحمل حتى السجن وسجناه بس مافي فايده وطول الوقت يهدد اخويا الكبير بالقتل ويحاربه بالسكين وزالله من وقت ماصحينا وهم في معركه لين الحين واخوي الكبير ركب سيارته مسرع سوى حادث بسببه ماندري ويش نسوي احنا في هم وغم والله البيت كله عنده حاله نفسيه الله لايوفقه من كثر مصايبه برى البيت وداخله حتى كلامه كله كفر ويسب ربي والدين ومايخلي شي وانا متزوجه وساكنه عند اهلي جاب لاولادي حاله نفسيه من كثر مشاكله وصوته العالي كل يوم يسمعونه الجيران واناما اقدر اطلع من البيت واخلي امي يمكن تموت من هالهم الله ياخذه ويفكنا منه يااارب انك سميع مجيب الدعاء 000 ياارب انا مسنا الضر وانت ارحم الراحمين 00 لاحول ولاقوه الابالله ادعو لنا يابنات الله يخليكم

38 تعليق 3,162 مشاهدة

شاركي في النقاش

سجلي الدخول لإضافة تعليق.

التعليقات

36
  1. @thr_obraaah

    يااختي استغفري لاتدعين على اخوك
    بالعكس حاولوا تحتوونه
    او تودونه لطبيب نفسي
    وادعوله بالهدايه
  2. كان الله في عونكم
    الله يهديه ويسخر قبله

    اكثري من الاستغفار

    من لزم الاستغفار جعل الله له من كل ضيق مخرجا ومن كل هم فرجا بإذن الواحد الاحد
  3. @afa11

    استغفر الله بدال ماتدعييين عليه بالموت
    ادعي ان الله يهديه
    يمكن مبلي بمخدراااات اوغيرها
    حتى لو توفى بترتاحون لاوالله
    والله ماتنسونه ادعوله
    حسسوه انكم خايفين عليه
    طبيعي بيصير قاسي لانكم تسبونه وتدعون عليه
    فكرتو تحتوونه تدعون له بالصلاح
    هذاااا ولدكم اذا ماحتويتوه بيلقى من يحتويه من عيال الحراام
    خلي امك تدعي له بالصلاح والهدايه دعوه الوالدين مستجابه

تابعي تجارب أخرى من هذا القسم.