كياني حياتي
انا سالت الدكتور عن ايقاظ الطفل للرضاعه
لاني كنت اتعب مع ولدي .. اقعده للرضعه بالليل وتاخذ رضعته ساعه ونص
لانه يكون نايم .. فقال الدكتور لاااازم تقعدين الطفل يرضع لو ربع الرضعه
كل 3 ساعات لان بعد 3 ساعات يبدا الجلوكوز بالدم بالانخفاض اللي ممكن يسبب الاغماء للطفل لاسمح الله
قعديها انتي وخلها ترضع لو شووي بس
وربي يحفظها لج
كرزه
الروب عادي حبوبه اذا البيبي كمل 4 شهور
واذا انتي خايفه خليك على السيريلاك والخضار والفواكه
عالم الروائع
لج وحشه حبوبه
احترت بوصفك
افضل حليب لطفلك مو انا ولا انتي نحدده .. على حسب تقبل الطفل
انا جربت لولدي نان وجاب له غازاااااات
والحين استخدم له اس 26 والحمدلله مرتاح عليه اللهم بارك
جربي اس 26 .. وكثير يمدحون بليميل بلس
وان شالله ماتعذبك بنتج عقب سيميلاك .. انتي اشتري علبه صغيره وجربي وان شالله تتقبله
وبالنسبه لالتهاب الاذن يجي من داخل القناة السمعية مو من برا
انتبهي لأنه مرررره متعب وان شالله مايجي لبنتج
والمخده انا خذيتها من سنتر بوينت .. الظاهر سعرها في حدود الـ 60 ريال
وممكن تحصلينها بعد في تويز ار اص بـ 99 ريال
بس مرررره مريحه المخده تحتوي الطفل وتدفيه
وربي يحفظها ويحفظ عيالنا لنا يارب
◎☻◎ تجمـــع أمهـــات أحـــلى كتـــاكيـــت مــــن الـــولاد☺ إلــــى 6 أشــ☺ــر ◎☻◎
متابعة النقاش، صفحة 214