تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23

بندقه
معلش ياحبيبتي ربنا يرزقكم من حيث لا تحتسبوا وتنقلوا بيت تاني وتريحي راسك
وهي الغربه كدا ومتنسيش ان ليهم طباع غيرنا هما افتكروا انهم بكدا حيهدوا نفسيتك هما فهمهم كدا حنحاسبهم علي ايه
تعرفي انا كما وصلت لمرحله اني محبش حد يديعلي استغفر الله العظيم بس والله من اشكلهم يعني لما نزلت اجازه اللي تيجي تسلم تمصمص بشفايفها وتقول ربنا يرزقك ان الله مع الصابرين
طب ياولاد الحلال انتم شفيني بشد في شعري ما انا صابره ومؤخرا واحده تقولي ان شاء الله تكوني حامل واللي بتزعلي لما حد يقولك كدا طبعا قبل ما اعمل الحقن
يعني الاول كنت بحب الناس تدعي بس بقيت احس ان دعائهم شفقه ليس الا
وعلي العكس كان فيه وحده صحبتي في الشغل في مصر هي قد ماما او اكبر بس ست كنت اتمني انها تكون حماتي
بتصل بيها اسلم عليها ولما سفرت هي بتتصل بماما عمرها ما كانت بتسالني عن الحمل الا انها تقول روحي ربنا يصلح حالك متعرفيش كنت بحب اسمع الدعاء دا منها
ولما حملت قلت لماما اتصلي بيها قوليلها عرفه عملت ايه؟
قعدت تعيط كتير وتقول والله كنت بدعلها في كل اذان وقبل الفجر
ودي لا تقربلي ولا اصلا من بلدنا من بلد جنبنا