اولا اشكر دعواتكم لي يا رب يديم عليكم الصحه و العافيه و يحفظكم من كل مكروه امين
ردي ل أم طائر الجنان ....
وسواس النيه هو الاشد من بين ما عانيت و انا لازلت اقاومه لكن ابشرك الحمد لله خف كثير و ما اخذ وقت مني أني أنتقل لحال أحسن و اللي كنت لما أصلي اروح لمكان ما فيه احد حتى اخواني الصغار و اقفل على نفسي الغرفه و ارتبك لما اسمع صوت احد يقترب من الغرفه و اجلس دقايق عشان اكبر و لما أيئس انقز زي المجنونه من الالم النفسي بعدها فكرت انه لازم اولا القى شيء يهديني لما اقوم اكبر لأني أحس لما اقوم اكبر كانه يغشى علي من وساوس الشيطان شيء قوي يتحكم فيني ففكرت أخذ رأس المشكله و هو قوة الشيطان و تسلطه فجربت المسك اللي كتبت عنه بالرغم أني ما توقعت أنه بيفيدني بشيء فقلت وش يضرني أحاول و معلوم أنه مريض الوسواس مستعد أنه يدفع اللي وراه و دونه عشان يتشافى المهم جربته و خفيت و ارتحت و كنت ادعي كثير و بالحاح كنت لما اوقف انفث عن يساري و اتعوذ ثم اكبر بصوت مسموع لنفسي و اقول في بالي انا اكبر بدون اي مشكله و تكبيري صحيح طبعا هذا قبل ابداء في الصلاه بعدين اتنفس بعمق و اطلع الهواء اللي بجوفي و هذي الطريقه تخرج الألم النفسي و التفكير السالب و تبعث الراحه حبيت هالحكه لما اكون متوتره جربوها صرت اسويها كل ما وقفت اصلي بعدها اقول في خاطري انا الحين ابأصلي و ما راح أقطع صلاتي ابدا و اذا جاني شعور اني قطعت النيه اكون عارفه انه من الشيطان و اضغط على نفسي اني ما التفت ممكن يكون بالبدايه صعب بعدين راح يكون جدا سهل و غالبا قبل التكبير اسمي بسرعه بعدين اكبر فيكون تنبيه لي انه اذا قلت بسم الله الله اكبر يعني انا ابتدت نيتي للصلاه و لا مجال للقطع الموضوع يبيله تتشجعين شوي كم صلاه و بعدها بترتاحين بأذن الله و تقولين كيف كنت أعذب نفسي طول ذيك الأيام ههه ...
بالنسبه للوضوء اتوذ من الشيطان و انفث و احاول قبلها اخرج اي شيء في بطني عشان ما اوسوس أنه طلع معي شيء و اتعب نفسي و لما ابدا اقاوم اي فكره انه طلع مني صوت او غيره الأبصوت أو ريح زي ما قال الرسول صلى الله عليه و سلم
و لأنه انا مفرغه بطني فكيف يجي ؟؟ طبعا المره الاولى صعبه بعدين يسهل التطنيش و فيه بعد طريقه حلوه و هي النسبه المئويه يعني شكيتي ان وضوئك انتقض وانك سمعتي صوت كم نسبه هالشعور ؟؟ 1% ولا 50% ولا 99% فاذا كان بهالنسب لا تلتفتي له فالرسول امر بعدم الالتفات حتى نسمع صوت او نجد ريح مع انه ممكن نشعر بخروجه بدون سماع او شم لكن لأن الرسول صلى الله عليه و سلم يعرف انه الشيطان فلا تعيدي الوضوء الا لما توصلي ال100% ..
وفيه شيء ثاني مهم و هو سياسه التطنيش لما تخلصين من عباده و يجيك الشيطان من باب النصح و يعظم امر العباده طنشي و قولي انا تعبدت و اذا ما قبل عملي مو مشكله طبعا مو تهوين من امر العبادات لكن لأن الشيطان يجيك من هالباب و كذا تبطلي تشيلي هم بعد العباده او تفكري تعيديها لأنها صارت اهون و ابسط فما للشيطان عليك مدخل و ما تصير الصلاه مثل الهم المتكرر كل يوم بالعكس تسهل حاولي تطنشين و كل مره قولي هالمره ما راح اعيد صلاتي لأني مليت و كذا حتى يزول هالشيء ..
أتمنى اي وحده عندها تجربه ناجحه تكتبها هنا او اي وحده استفادت من كلامي تكتب تجربتها و لو عالخاص نبي نكون يد بيد للشفاء بأذن الله ...
.... الوسواس القهري .... كوني شجاعه و اقهريه تجربتي
متابعة النقاش، صفحة 4