تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23

يابندقتى

ماتزعليش نفسك واضح ان اهل زوجك ماشاء الله حساسين زيادة عن اللزوم ومبين انهم بيحبوكى وبيخافو على مشاعرك

ويمكن زى مابيقولولك صح انهم ماحبوش يطلعولك عشان يسيبوكى على راحتك ومايقلبوش عليكى المواجع

انتى عارفة ليه انا بقولك كده
لان انا ساعات ابقى هموت واطمن على حد عنده حاجة بس اتكتم ما اعرفش اقول ولا كلمة ولا اتصل اقول ايه
لان الواحد بيبقى عارف انه مهما قال مش هيغير الواقع بس برضه دايما الكلام الحلو مطلوب يعنى كان ممكن يطلعولك من غير مايفتحوا سيرة الموضوع يقعدوا معاكى يهزروا ويتكلموا ويفرفشوكى وخلاص

بس تفكير الناس وعقولها مش زى بعضها يابندقة
فماتزعليش منهم وماتزعليش نفسك

ام حفصة انا مش متأكدة من الكلام ده بس لما قريت كلامك ده افتكرت

انا قبل ما احمل بشهر واحد اخدت حقنة فيتامين د

بس ماربطش بين الاتنين الصراحة

عشان كده يمكن الكلام ده يكون صحيح ويبقى الموضوع حله سهل ان شاء الله

اللى يحلل ويلاقى عنده نقص فيتامين د ياخد الحقنة ويتابع جودة التبويض بعد كده

وان شاء الله ربنا يكتب للجميع الحمل اللى يفرح قلوبهم

:22:
اسم الحقنه ايه يا كميله ؟:32:

صراحة يا ميكو عيلة جوزك دى مستفزة جدا ولا تطاق انا لو منك كنت رحت قعدت عند مامتى وسبته يروح معاهم لوحده طالما خايف يطلع عيل ويبقى يقولهم اى حاجة ... خليكى على موقفك انتى ومتطلعيش عيلة ومتروحيش معاهم تانى تحت اى ظرف .. يا بنتى احنا عايزينك .. بلاش احنا بنتك وابنك اللى جاى عايزينك ... حيفيدك بأيه لو جالك الضغط او السكر مع حرق الدم المستمر ده .. حاجة تفرس

تومى مش عارفة اذا كانت هى دى تحاليل حسام ولا لأ .. لكن دى التحاليل اللى كان كاتبها د.محمد سمير

بالنسبة للأنيميا اذا شكه لازم تعملى تحليل ماتسبيش نفسك .. الانيميا مش حاجة هايفة انتى ان شاء الله داخلة على حمل ولازم تبقى صحتك تمام .. روحى حللى هيموجلوبين ولا خدى مالتى فيتامين بالحديد بس اياكى تاخدى الحديد مع اللبن