بنتي معاها امساك من اسبوع ونص ساعدووني ارجووووووووووكم

السلام عليكم ورحمه الله وبركاته
اللهم صل على محمد وال محمد

شخباركم اخواتي الغاليات
بنات بنتي الله يخليها عمرها 8 شهوور
توها داخله التاسع من كم يوم
صايدنها امساك مو طبيعي اول مره يصير معاها جذي وانا خايفه عليها وايد :(

حليبها الا استخدمه ابتاميل كمفورت وهو اصلا للامساك ومن زمان استخدمه والحمدلله بطنها كان يمشيها طبيعي بس مادري ليش صار لها جذي مره وحدة

صار لها من قبل جذي يوم اغير حليبها من فتره ومن رجعت الى ابتاميل الحمدلله بطنها صار اوكى
ياريت الا عندها حل لا تبخل عليي ولا على بنتي الوحيده لان والله نفسيتي تعبانه على شانهااا
لاتقولون لي وديها المستشفى ادري بيعطوني تحاميل وانا ماابي استخدم الى بنتي تحاميل سمعت ان مو زينه تسبب كسل في الامعاء
ابي اشياء طبيعيه وماضرهاا
وياريت كل وحدة تكتب لي شي تقول لي كم مره اعطيهاا وهل يصير احطه لها مثلا بالحليب او لا لان بنتي عنيييييييييييييده درجه اولى :eek:


ابي تفاعلكم معاي بنات ارجووكم لا تبخلوووون ربي يسعدكم

37 تعليق 12,228 مشاهدة

شاركي في النقاش

سجلي الدخول لإضافة تعليق.

التعليقات

37
  1. @lytny

    صاحبة الموضوع
    اي بنات نسيت اقول لكم
    ان بنتي وقت الا تعصر يخرج برازها تكرموون مثل الكوور
    ياريت كمان من دكتووورة المنتدى تعطيني حل؟؟..
  2. شوفي حبيتي انا كل مايجي ولدي امساك اسويله تمرين طبعا هذا التمرين من استشاري اطفال
    اول شي تمسكين رجولها وتضغطينه للبطن يارب تكوني فاهمه
    وعصير البرتقااال لا تخلينه مرره مفيد
    الله يخليها لك
  3. @am_toyny

    اعطيها عصير منجا او عصير برتقال طازج ,,
    وسوي لها مساج للبطن بزيت زيتون دافي
    وتقدري تعطيها ملعقه صغيره من زيت الزيتون مع العصير ,,
    وكثري لها المويه والسوائل ,, وخففي لها الحليب يومين
    لما تروح عنها الامساك ..
    وفيه شي اسمو عنزروت ممكن تنقعي لها منه شوي في مويه
    وتشربيها منه هذا مرره حلو للامساك كنت اديه بنتي نصحتني فيه
    جارتي الله يسعدها وجربته اختي لبنتها والحمد لله مره نفعها
    بس انتي لاتكثريه

    الله يخليها لك ويبعد عنها كل مكروه يارب
  4. كنت أستخدم منقوع التمر..أو عصير برتقال مخلوط معه شوي سكر..
    و يارب يفيدها

تابعي تجارب أخرى من هذا القسم.