استفسار بخصوص الواتس الله يسعد من ترد علي

بنات الله يعافيكم


انا عندي مشكله بخصوص الواتس اب

انا محمله الواتس اب ماعندي شبكه واير لس يعني شحنت جوالي واشتركت بالنت وشغال عندي الواتس بس الحين قعدوا ياخذون من رصيدي

سؤالي الحين اشحن عادي واشترك مره ثانيه بالنت عشان يوقفون اخذ من رصيدي او لازم يتحمل مره ثانيه

للعلم جوالي نوكيا
الله يسعد من ترد علي

3 تعليق 1,936 مشاهدة

شاركي في النقاش

سجلي الدخول لإضافة تعليق.

التعليقات

3
  1. اختي العزيزة

    اشتركي بالنت افضل لك يعني خذي لك باقة 1 جيجا او 5 جيا او باقة اللامحدودة

    وعلى فكرة الباقة هذي ممكن تخلص في يوم او 10 ايام او حتى شهر يعني حتى لو اشتركتي باحد باقات النت لك سعة تحميل معينه ماعدا باقة الانترنت اللامحدودة
    وفي حال انتهاء الباقة يبدون يسحبون من رصيدك ريالين لكل ميجا يعني يلهفووووونك وانتي ماتدرين

    وتاكدي انك اذا اشتركتي باحد الباقات لازم تجيك رساله انه تم تفعيل الباقة لاتصيرين زيي مرة اشتركت بالباقة اللامحدودة بمبلغ 300 ريال وعلى طول استخدمت النت قبل ماتجيني رسالة التفعيل خلال ساعات بس لهفو علي 300 ريال كلها

    انا اشوووف افضلك اشتركي بأي باقي زي واحد قيقا وسعرها مناسب لك ومايخذون من رصيدك شيء بس تابعي معهم بالرسائل كم بقى لك من بيانات التحميل عشان ماتنتهي الباقة فجأة ويبدون يسحبون من الرصيد وبالنسبة للواتس اب مايحتاج تحملينه مرة ثانية مجرد مايرجع النت يشتغل على طول اصلا

    تحياتي لك واي سؤال انا حاضر
  2. @god_alklam_1

    صاحبة الموضوع
    الللي فهمته
    مثلا اشحن خمسين ريال بعدين اشترك بالنت بقيمه الخمسين استنى رساله التفعيل بعدين استخدم الواتس

    كذا الطريقه صح
    بس تابعي معهم بالرسائل كم بقى لك من بيانات التحميل عشان ماتنتهي الباقة فجأة ويبدون يسحبون من الرصيد

    كيف الطريقه بالرسايل جزالك الله خير
  3. اختي بعطيك طريقة الشركات كلها
    اولا الاتصالات السعودية

    اول شي تروح للمتصفح .. وتدخل ع الرابط التالي :

    http://www.aljawal.net.sa/primary/jawalnet_home

    بعدها تفتح لك صفحة فيها خيارات اختاري خدماتي تلقينها تحت

    بعدها راح تشوفين اشتراكاتك كلها سواء جوال نت او غيرها اختاري جوال نت وبتعرفين كم بقلا ومتى بتنتهي


    بالنسبة لموبايلي

    لمعرفة رصيد الكلوبايت المستخدمة الآتي:

    *
    1422
    #
    اتصال

    أو أرسل رسالة فارغة إلى الرقم 1411



    بالنسبة لزين

    ترسلي BC
    الى 700400
    او تسجلين بموقع زين !!

    وصح كلامك اشحني وبعدين اشتركي واستني رسالة التفعيل

تابعي تجارب أخرى من هذا القسم.