اهم شي الخلقه التامه
قولي اللهم ارزقني طفلا سليما معافا
نـــفسي بـــولــد بس مانكتب لي< اكتفى
متابعة النقاش، صفحة 13
شاركي في النقاش
سجلي الدخول لإضافة تعليق.
التعليقات
78- انا كذا بس لما الله رزقني بالبنت نسيت كل شئ والحين حامل واتمنى ولد بس احساسي بنت وكله زين دامه من الله
- وَإِذَا بُشِّرَ أَحَدُهُمْ بِالأُنْثَى ظَلَّ وَجْهُهُ مُسْوَدًّا وَهُوَ كَظِيمٌ
في هذي الايه وصف الله الكفــــــــــار ايام الجاهليه
ووحده كاتبه انك سخيفه من وجهة نظرها وانا اخالفها الرأي (( انتي جــــــــــاهله))او((عندك عقدنفسيه)) وانتي ايش جنسك ولد؟؟
مالك الا حل وحيــــــــــــد
اذا جت البنت احفري حفره وادفنيها عـــــــــــادي
واللهم امين ان شا الله تكون اخر بنت
وش شعورك لو تجي مريضه بسرطان او غيره وتموت
وش ذنبها مو مرغوب بجيتها للدنيا بس لانك امها؟؟؟؟
واللي يغار هذا حاسد يعني زوجك انسان حــــــــــاسد والا فيه احد يغار من اخوه
بصراحه موضوعك استفزازي
والله عمري ماشفت ولد برئ
والبنت اللي مافيها براءه مو غلطها غلط الاهل يعلمونها كلام الكبار وتصرفات الكبار فيدرالية وَإِذَا بُشِّرَ أَحَدُهُمْ بِالأُنْثَى ظَلَّ وَجْهُهُ مُسْوَدًّا وَهُوَ كَظِيمٌ في هذي الايه وصف الله الكفــــــــــار ايام الجاهليه ووحده كاتبه انك سخيفه من وجهة نظرها وانا اخالفها الرأي (( انتي جــــــــــاهله))او((عندك عقدنفسيه)) و…
الله قال في كتابه ( المال والبنون زينة الحياة الدنيا )
والبنون ياحلوه الاولاد روحي دوري التفسير
وحديث عن الرسول صلى الله عليه وسلم : ( كما قال صلى الله عليه وسلم: من ابتلي من هذه البنات بشيء كن له ستراً من النار)
ليش مكتوب من ابتلي يعني البنات ابتلاء واختبار من الله ...
ولا بتتفلسفين علي وبتقولين سخيفه بعدين ماقلت انا اكره بنتي مافيه احد يكره ضناه من لحمه ودمه ... مجرد اني تمنيت ذكر وكان نفسي فيه والغريزه هذي بالنفس البشريه والحمدالله زوجي مو انسان حاسد ولا حاقد اطيب من قلبه مافيه شكلك انتي الحسود- الله يهديك ياإختي قولي آمين
أكثر شئ ضحكني براءة الأولاد هههه
لاتزعلين مني بس كلامك جداً غريب
ويقهر في نفس الوقت !!!
صدقيني ياإختي ماراح يشيلك لاطحتي بالفراش غير بناتك أنا عندي بنتين الله لايحرمني منهن يارب
أبوهن دايم برا البيت والله مايونسيني ولا يحس
بي أحد غيرهن حتى بنتي الصغيره أم 6سنين
ماسكة المواعين وهي فوق الكرسي ولا تبيني أحرك شئ ياحبي لها بس
وبنتي اللي عمرها 8 سنوات هي اللي تكنس وتمسح البيت
حتى من غير قول وإذا شافني مريضه يبكن مستعدات يسون أي شئ
بس يدورن راحتي الله لايحرمني منهن يارب ...
تعالي أقولك قصة وحده أعرفها :
وحدة عندها ماشاء الله 4 بنات و 6 أولاد فو الله الذي لاإله إلا هو .. ولا واحد
من عيالها نفعها تقول لي بعظمة لسانها إني أزحف عندهم زحف أقولهم أبي
المستشفى أبموت تدرين وش يقولون لها ؟؟؟؟
خلي أخوي فلان يوديك والثاني يقول أنا تعبان والثالث يقول عندي شغل
والرابع يقول أنا بروح عند أخوياي مو فاضي .. إلخ
وكل واحد منهم مسك الباب وطلع حتى إذا احتاجت أي شئ بس يقضبون الباب ويتركونها
ولا تشوفهم إلا من بكره ولا حتى يسألوا عليها وهي المسكينة ضحت بصحتها عشانهم
>>> شفتي الأولاد اللي أنتي ميتة فيهم .. ؟؟ :o
والله ماشالها غير بناتها مسكينة كل ماتعبت يشيلونها
بناتها بالليموزين للمستشفى حتى
مشاوريها بناتها اللي يودونها وأي شئ تحتاجه
من الصيدليه ولا من أي مكان يطمرن بلمح البصر
يجيبنه لها يابليموزين ولا على رجلينهن ماشاء الله شفتي وشلون البنات اللي أنتي كارهتهن ؟؟
وأعرف وحده بعد شفتها بالمستشفى وأنا حامل ببنتي الكبيره والله إنها تقص علي قصتها
وهي تبكي دم وبنتها واقفه جمبها قالت لي والله العظيم أنا عندي 8 أولاد ولا واحد منهم نفعني
كلهم تزوجوا ولا عمرهم سألوا عني تقول لي سنين ماشفتهم واللي يقهر تقول إنهم يدرون
إني مريضة ولا حتى كلفوا أنفسهم حتى بمكالمة يسألوا عني تقول والله ماشالني غير بنيتي
اللي واقفة جمبي هي متزوجة وأنا ساكنه عندهم تقول وربي مايسنعني غيرها وشايلتني من
فوق الأرض شيل تقولها المسكينه وهي دموعها أربع أربع لدرجة إني بكيت معها المسكينة وربي رحمتها ...
وهذي بعد أم (أم زوجي) الله يرحمها نفس الحاله تقول كل عيالي تبروا مني ولا عمري شفتهم
وهي تبكي بحرقة مسكينة تقول أنا كل شهر عند وحده من بناتي يوم تقول لي هالكلام وهي جالسه عند
بنتها اللي هي أم زوجي تقولي والله مانفعني غير بنياتي شايليني شيييل وأنا الشاهده ع كلامها أشوف
أم زوجي هي اللي تشيلها وتحطها وتوكلها وتشربها وتنومها وتلبسها وتطلعها كل يومين برى البيت عشان تشم هوا ..
أتمنى إنك اتعظتي من كلامي صدقيني العيال ماوراهم غير الهم والغم بس ولا كبروا ماراح
ينفعون غير أنفسهم بس ولاتزوجوا بدوا يركضون
بساقة حريمهم مثل المسحورين لدرجة إنهم ينسون أمهم وأبوهم !!!
وبعدين تعالي الحديث اللي أنتي كاتبتة (من ابتلي من هذه البنات بشيء كن له ستراً من النار)
أول شئ أنتي محرفة الحديث وثاني شئ أنتي مو فاهمه معناه
قال الرسول صلى الله عليه وسلم ..
(من ابتلي من هذه البنات بشيء فأحسن إليهن كن له سترا من النار)
المعنى أن الرسول صلى الله عليه وسلم لم يقصد هذا بالمعنى الحرفي
يقول علماء الأصول: خرجت هذه اللفظة النبوية مخرج الغالب .. لأن غالب الناس في ذاك الزمان
كانوا يعتبرون البنات ابتلاءً لذلك قال الرسول الكريم صلى الله عليه وسلم كلمة (ابتلي)
أما من ناحية الآية البنون المقصود فيها ذكوراً كانوا أو إناثاً وليس الذكور فقط
عندك هذه الآية قال تعالى : ( وَلأَبَوَيْهِ لِكُلِّ وَاحِدٍ مِّنْهُمَا السُّدُسُ مِمَّا تَرَكَ إِن كَانَ لَهُ وَلَدٌ )
فيقصد بالولد هنا ذكرا او انثى ,, المعنى أن كل ماذكر في القرآن مثل كلمة (ولد أو بنون)
ليس معناها الذكر فقط ..
أرجو إنك استفدتي وآسفه ع الإطاله :)
مواضيع مشابهة
تابعي تجارب أخرى من هذا القسم.