الي يعطيها زوجها مصروف شهري ضرووي تدخلون ابي اسالكم

سلام كيفكم كلكم
ابي اعرف منكم الي تاخذون مصروف شهري والي بنفس الوقت مسجلين بحافز للعاطلين
لو تم قبولكم بحافز وانصرف لكم اعانه ياترى بيوقف المصروف الشهري عنكم ولا بيستمر بالاضافه للاعانه؟؟؟
انا اقول ****لله يقبلوني واتوقع عيب اطلب زوجي لانه خلاص الدوله صرفولي واحيان اقول لا بطلبه يعطيني وكانه ماعندي اعانه انتم وش تشوفون نستمر نطلبهم ولا خلاص ناخذ من الدوله ونسكت
شاركوني ارئكم

30 تعليق 4,648 مشاهدة

شاركي في النقاش

سجلي الدخول لإضافة تعليق.

التعليقات

30
  1. @nor_stayl

    اولا حافز مو الان قالو في محرم يبدأ وترى حافز مو دايم ياحلوات

    ثانيا انا زوجي مايعطيني مصروف وانا استحي اطلبه لأنه راتبه يدوب يكفيه لحاله والوالد الله يحفظه مايقصر يعطيني احيانا 500واحيانا 1000

    والحمدلله مو محتاجه :)
  2. @asdaaa_roh

    الله يرزفنا اجمعين والله يختي لي متزوجه 22 سنه والله العظيم ماعمره عطاني مصروف

    الحمدلله على كل حال الله يخليهم لنا بس
  3. @thkryat_alghd

    مادام كان سابقا يعطيك مصروف.....فلا توقفيه....إستمري بأخذ المصروف منه

    أما فلوس حافز إن جاتك....فزيادة الخير خيرين.....وحافز ماهو بدائم فترة مؤقته وخلاص
    فإن توقف زوجك عن إعطاءك المصروف.....يمكن يطول على مايعطيك مستقبلا

تابعي تجارب أخرى من هذا القسم.