صديقة الطيور- ارق المشاعر - ام فارس الله يبارك بحياتكم ويرزقكم الذريه الصالحه ويسهل عليكم تربيتهم ياااااااااارب
بقولكم عن تفاصيل ولادتي شويه عشان الى يبغون يروحو لمستشفى الولادة
انا رحت الاحمدي والوطني قالو لى حوضك صغير مره ولازم عمليه فقلت مادام هي عمليه
اروح مستشفى الولادة لانهم افضل شي بالعمليه حسب ماسمعت في هديك اللليلة الى جيت من الكشف مشيت ساعه مشي
عسكري ورحت البيت ارتحت شويه وسويت تمرين القرفصا 30 مره عالفجر ورحت نمت بعدها كل شويه تجينى مغصه وعلى 10 بدا
المغص يشتد وينتظم كل عشره دقايق رحت اتحممت وضبطت شعري بمساكات ولبست روب مريح واكرر الادعية والاذكار بنفسي
وجهزت الشنطه وصحيت زوجي على عشرة صباحا ورحنا الولادة طبعا يخلوك بالدور لين يجي دورك يمكن ساعه حتى جا دوري
للكشف وساعه حتى كشفت على الدكتورة من كثر الحالات الى تجيهم لدرجة وحده انكبت مويه الولادة في الممر بعدين عطفو عليها
ودخلوها وقتها كشفو عليا لقو 4 سم بس مافي سرر يطلعوني وظليت بغرف الطواري الى 6 المغرب وانا اطلق ولا احد عندي
لا مهدئ وكل شوي تجي الدكتور تقيس لين وصل 7 سم بعدها طلعوني بالمضاربه لقيو لى سرير وركبو لى مغدي
وجهاز الطلق المقرف وجلست كل خمس دقايق طلقة لا مسكن ولا كمام شفت المووووووووت الشي الوحيد جابو لى الجوال قدرت
اكلم زوجي يشوفون لى حل ابغا عملية واصرخ ابغغا عمليه الا تفجعني السستر تقولى الطفل متبرز ببطنك ركبي الاكسجين
وتزيد الكتمه فوق القلق الى انا فيه والتعب زادوني وجات دكتورة بخاريه فكت المويه بطريقة مؤلمه وبعدها جات دكتورة مصريه
قالت كل شي تمام وجلست اكلم زوجي انهم يخرجوني اروح لمستشفى ثانية وراح كلمهم انى جالسه من 10 وانا اطلق مع الم شدييييييييييييييييييييييييييد وقتها اعطوني ابره بالفخد مسكنه ريحتنى كثيييييييييير بس ماطولت بعدها جات حطت ابره في المغدي قالت هذا محرض وبعدها يشتغل الطلق الى صح
وبعدها جات دكتورة حسيت انها مرسوله من الله من كثر ماجلست ادعي واذكركم بالدعاااااااااااااااء وحده هو المعين
وقالت تعالى يابنتي اقيس لك ولقته 9 سم وقالت خلاص راسه باين ساعدينا قالت يالله دفي وادف ما احسه بيخرج
ومنطقة الشرج تؤلمنى لانه معايا امساك ولا سوى لى الشرنقه الله يكرمكم ورغم الالم كنت ادف كنت ماخلى حيلي يطيح عشان
لو ارتحت خفت ماقدر ادف ثاني ويصير للجنين شي وصرت متجهزة للدف وقالو دفي ويشجعوني ثلاثة دكاتره طبعا بعد مابهذلهم زوجي
وجلس على روسهم المهم وادف واحسهم شرطو المنطقة واحس جسمي بيتقطع وقتها خرج المحروس وحمدت الله حمدا كثيييير
على انه خلصنى وشطفوه وحطوه بسرير زجاجي يوم شفته راح مني كل الالم والحمدلله مانى مصدقة بعدها بداو الخياطه وحطو لى بنج خفيف ورحت بعدها الغرفة
الشي الى قهرني وعرفته بعد الولادة انهم خلوني عشانى بكرية وماعندهم سرر ...كان ممكن يعطوني طلق من بدري ويريحوني مانى عارفه كيف سياستهم خلوني يوم كامل بالطلوق
ومستوى النظافه والاهتمام بالغرفة سئ الى تولد طبيعي لاتفكر تروحل هم ابدا بصراحه انا وزوجي ندمنا اننا مارحنا لمستشفى احد لانها احسن بكل شي وللامانه لطاقم التوليد
فيه سسترات ودكتورات كويسات ويحنون وفيه العكس
الملف الثــــــــــــــالث لحوامل المدينه المنوره ملف تفاعلي عن الاطباء والمستشفيات
متابعة النقاش، صفحة 239