شاركي في النقاش

سجلي الدخول لإضافة تعليق.

التعليقات

1,047
  1. مامتو لحمادينو
    آنا احساسي إن فيني بنت بس بودي ولد عشان يصيرون اخوان صبيان بس الحمدلله على نعمته أهم شي الصحه والعافيه والخبقه الكامله الكل يشوفني يقول فيج بنت حتى وحامي غير وجسمي بسرعه نتفش وورمت بسرعه صرت بالعرض وبولدي كان الألم والثقل على ظهري والحين …
    :)
    ربي يتمم لج على خير
    نفس حمالي بنتي طخيت مره وحده وصل وزني 100 من اصل 65 واتنفخت والألم على الأوراك مثل ما تقولين
    الله يعطيج الصحه والعافية
  2. السلام عليكم،
    حنين الفهد>>> مشكورة على الدعوة والله افكر بشغالة يالساعات حاليا وبعدين اكيد يبيلي وحدة تساعدني اول كم شهر والله يقدم الي فيه الخير

    ام عبد الرحمن>>> حياج الله لا تزعلين كلنا خوات وفي الهوا سوا
    خوفتيني من زيادة الوزن اصلا ليلحين مو مبين علي الحمل شنه زايد وزني لا أكثر ولا أقل

    بنات انا حاسة الي في بطني ولد والكل يقولي بطلي عنصرية بس والله هو احساس قوي وانشالله ما يخيب عندي خوات وايد وانا الي ربيتهم من صغرهم
  3. صاحبة الموضوع
    رسيل
    صح اعتقد عندهم مناسبه
    لاني رحت ابي اقدم على خدامه جديده ( خلاص لاعت جبدي من القديمه و بسفرها)
    ما لقيت الا طلب واحد في كل مكتب
    قالولي عندهم مناسبه اغلبهم ما يبون اييون بهالفتره
    يعني اعتقد الاسبوع الياي خلاص بترجع الطلبات مره ثانيه ان شاء الله

    عادد هنيه خصوصا الفلبينيات المسلمات الي بخبره ما تلقينهم الا بالواسطه

    NOJOOM

    محل تيم هل لهم فرع بالامارات؟؟
    و بالنسبه للمبس رحت امس مذركير و اشتريت تنوره رسيل
    خخخخخخخ

    لونها ياي على زيتي صح؟؟ما في غيرها عندهم
    شفت القمصان ما عجبوني باخذلي من عند ايفانز لما يصير عندهم تنزيلات لانه الحين قمصان مقاسها مناسب بس التنانيرر الي ضاقت علي

    اخذتلي بجامه بعد و اندر وير من مذركير

    بنات صح

    انا خلاص رسميا صارت لي كرشه حلوه والي يشوفني يعرف اني حامل

    ملابس الاطفال انا ناويه اول ما اعرف جنس البيبي ابتدي اشتري ان شاء الله و ان شاء الله الاقي تنزيلات بهالفتره
    لانه من الشهر السابع عارفه نفسي ما بقدر امشي حتى الدكتوره بتمنعني من المشي

    بنات ما عندكم فكره متى تبدا التنزيلات لملابس الاطفال؟؟



    ### ذكرى الآلم ###

    هلا و الله باللي تبي تتغللا من البدايه
    ههههههههه

    ترا ما ندلع ما شاء الله من كثرنا صرنا ما نعرف من غابت و من حضرت و من التعب قمنا ما نركز فما نبي عتب يالغاليه

    خخخخخخ

    شكله سوينا عليج هجوم من البدايه
    امزح ترا
    حياج الله بينا حبيبتي
    يالله خبرينا متى موعدج علشان نضيفج للجدول


    نجديه100\100

    لا و الله حتى هي ما يرضى فيها
    اخذتلي كم قطعه اول ما نزلت و ما خلاني البسها
    بس اشوفه امس بمذركير يوم شاف مافي الا البناطيل قالي مب مشكله بس مع قميص طويل ( شوي اقتنع) على الاقل للبيت يعني مو لاقيه شي البسه و مابي جلابيات طفرت منها بحملي الاول
    طول فتره الحمل و الرضاعه و انا طايحه بالجلابيات
    لاعت جبدي منها


    noni103
    الله يعينج بصراحه بيت و بيبي و دوام متعب
    بصراحه الله يعينكم يالموظفات
    بس بتحتاجين للخدامه بعد الولاده لا تكابرين
    لانج بترجعينن للبيت بعد الدوام و بيبتدي شغل البيبي و شغل البيت
    على فكره ثياب البيبي يبيلها غسل كل يوم و مرات باليوم اكثر من مره
    غير ان البيبي بيسهرج بالليل طبيعي
    فكري بموضوع الخدامه جديا
    لانه اذا قررتي تييبينها لازم قبل الولاده علشان تشوفينها و تطمنين منها علشان البيبي


    حزينة على طول
    تفائلوا بالخير تجدوه
    عن التشاؤم
    و ابتدي بتغيير اسمج
    و ان شاء الله بطنج بيكبرر لين التاسع و بعدين بتشوفين البيبي و بتفرحين فيه يا رب

    الاهتمام بالبشره؟؟ بصراحه مافي شي يساعد
    هالتغييرات لابد منها
    ادهني جسمج بزيت زيتون او لوز
    و رطبي ويهج بأي مرطب و سوي سكرب
    و لا تنسين الواقي من الشمس


    noni103
    عادي يا عمري ولا تضايقين روحج
    كلنا في الهوا سوا

    انا ما اطيق ريحه الطبخ
    انا شميت ريحه الطبخ ماا قدر اكل و ادوخ و حالتي حاله
    و زوجي يبيني اطبخ له و مو حاس فيني

    اللهم فرج كرب اختنا ام هويدي وسخر لها زوجها وصب حبها في قلبه صبا صبا

    حنين
    خبارج حبيبتي


    ضاااع اسمي

    الله يعنج على زياده الوزن
    بالفعل كلنا يبيلنا نظام غذائي

    اشربي عصير ليمون علشان الصداع و الجيوب
    ما عندي حل غيره بصراحه

    و انتبهي لنفسج من انخفاض الضغط لما تحسينه نزل اشربي لبن وحطي عليه ملح
    او كلي طماططم مرشوش ملح او بسكوتت مالح
    انا اول الحمل وصل ضغطي 100/52

    و بالنسبه للمشيمه الله يشفيج ان شا الله و ترتفع و الله يطمن قلبج ان شاء الله
    انسحدي و ارفعي ريولج
    انا حاسه بضغط اسقل البطن
    و خاصه لما امشي وايد يالمني لدرجه احس شي بينزل مني
    خايفه من المشيمه
    موعدي مع الدكتوره الخميس و بشوفها شتقولي ان شاء الله خير
    ظهري بصراه بدا الالم من جديد و ينزل على رجلي اليمين و خلاص يعني بدايه اللآم المستعصيه
    هالالم بيزيد مع الايام عارفه نفسي مثل حملي الاول
    بع فتره بقولكم اني ما اقدر احك ريولي الا لما اشيلها بيدي
    خخخخخخخخ

    شكلي يضحك
    تخيلوني
    ايدي على كل رجل كأني في مسرح العرايس و احرك رجولي بإيدي ( ترى ما امزح كنت جذي بحملي الاول) و بالشهور الاخيره عالكرسي و لازم حد يشييلني علشان اقوم و شوي شوي بعد ولا فضحتهم من الصراخ)

    توته اخت بطه
    نونو السعنونه

    انتو للحين مع الوحام؟؟؟؟؟؟؟؟

    انا الحمدالله صار لي اسبوع و الوحام خف 75% تقريبا

    الراجيه

    طمنينا عليج حبيبتي

    ام كريم

    لين متى الغياب؟؟؟


    sara511
    استشيري الدكتوره حبيبتي
    انا موعدي في المستشفى الاثنين و بسأل الدكتوره عن الرياضه او السباحه

    أم عـبـدالـرحـمـن
    حياج الله بينا حبيبتي
    موعد ولادتج قبلي بيوم ان شاء الله

    يعني 22 اكتوبر


    راعية مبدأ

    هلا حبيبتي انا بخير الحمدالله
    و انتي طمنيني عنج


    منجا وينج مختفيه؟؟؟


    يقولون مملوحة

    هلا حبيبيتي شخبارج


    شهد الدمام
    شخبارج الغاليه؟؟


    arooma

    حيياج الله معانا حبيبتي
    بس متى موعد ولادتج علشان نضيفج للجدول؟؟


    انا حاسه انه ولد ما اعرف ليش مع ان الكل يقولي بنت
    مع اني خاطري ببنت
    و اصلا حتى وحامي هالمره احسه اخف من الحمل الاول بالاول ما خف الا بالخامس
    الحين الحمدالله قبل الرابع خف بشكل ملحوظ الحمدالله
  4. صاحبة الموضوع
    أم عـبـدالـرحـمـن
    شو رايكم ندردش في موضوع يقولون الحامل تحس شو فيها يعني شو جنس المولود قبل لا تتأكد من التصوير يالله كل وحده تقولنا احساسها انا حساسي ان فيه ولد
    الطقم الاول 42 قطعه








    الطقم الثاني 42 قطعه







    الطقم سعره تقريبا 550 درهم

    شرايكم؟؟

    اخذ منهم ولا لا؟؟

    انا متردده لانه الطقم كله نفس اللون و احس بمل منهم

    بعدين قولولي
    انا ولادتي اول العيد ان شاء الله و اذا قيصريه احتمال نص رمضان
    ملابس البيبي اخذها شتوي ولا صيفي ولا كيف؟؟
  5. السلام عليكم،
    قوارير>>> مشكورة وانا من صج قاعدة افكر بالخدامة انا الحين وزوجي كل كلمة والثانية يالمهملة شلون بكرة وانا مافيني حيل امشي؟؟؟

    مبروك الكرشة قوارير

تابعي تجارب أخرى من هذا القسم.