محتاره انا صح ولا؟؟؟؟؟


السلام عليكم ورحمة الله وبركاته


بنات انصحوني



القصه ومافيها انا وصحبتي

من يوم ماتخرجنا من الثانويه دحين لنا ثلاثه سنين
ولامره دقت عليا والله يابنات انا كل فتره ادق عليها
عيد او رمضان او اي مناسبه وكل فتره ارسل لها رسائل بالجوال
ورسائل على الايميل.

احاول اوصلها لان بيننا صحبه طويله والبنت طيبه.

ولمن ادق نجلس بالساعات نتكلم والله البنت طيبه مررره بس انا مرره زعلت منها
اقلها في العيد تتصل تعيد او رمضان . والله حتى رسايل في الجوال والايميل ماترسل .

صارحتها قبل ثلاثه شهور قلتلها ليش ماتدقي عليا انا سويت شي زعلتك صارحني قالت لا
والله انتي ماحد يزعل منك وماسويتيلي شي بس
انا مشغوله وماني فاضيه مررره قلتلها 5 دقايق ماراح تضيع وقتك . بعدين قالت انا ماعندي رقمك اعطيتها ايها .
يعني مالها عذر !!!!

قالت ان شاء الله بدق ومن يوم ماكلمتها والله مادقت ولاسألت عليا .

ايش رايكم ادق عليها ولا خلاص اطنشها .انا ماابغا اخسرها ولو اعرف انوا عندها ظروف ماتقدر تتصل عليا راح اعذرها بس هيا فاضيه وماتدرس وماتشتغل وجالسه في البيت.

والله تعبت كل مره اقول ماراح ادق عليها تغلبني طيبتي وادق.
والله ثلاثه سنين وانا مااقدر اطنشها لازم ادق واسأل عليها.

بس هذي المره مررره زعلت منها طفح الكيل خلاص. الواحد يصبرفتره بس ثلاثه سنين والله قويه .

وليا ثلاثه شهور مادقيت عليها.


بنات ابغا نصيحتكم اتصل ولا ؟؟؟؟

انا صح ولاغلط ؟؟؟

11 تعليق 1,107 مشاهدة

شاركي في النقاش

سجلي الدخول لإضافة تعليق.

التعليقات

10
  1. ياروحي اعذريها يمكن عندها شي ماتقدر تقولك عنه يمكن اهلها مانعينها تدق
    اخلقي لك اي عذر بس عشان ترتاحين انتي واتصلي عليها خليك واصله لاتقطعينها الله يسعدكم ويخليكم لبعض
  2. انا نفس حالتك واطول انا جلست سنتين ماعرف عنها حاجه ودرست معي بالجامعة ونفس الشي بس اشوفها اسلم عليها مع انها تحبني وتعتبرني توام روحها وكذا
    بس خلاص انا لقيت صاحبات وهي لقيت والحمدلله رجعنا زي اول نوعا ما لمن فضيت هي وانا فضيت والله لقيتها تدق علي من نفسهاااااا يعني حاولي ماتقطعي مررررة عشان ماتشره عليك بس انو خففي حاولي من فترة لفترة فقط
  3. @hdoalfgr

    لآ واصلي على طريقتك
    كلميها ومن هالاشياء
    لآن خيركم من يبدا بالسلآم
    واعذريها يمكن عندها ظروف

تابعي تجارب أخرى من هذا القسم.