ضعف التركيز وتشتت الانتباه وفرط الحركه......الى كل ام تعاني من هذه الاعراض عند اطفال

اهلين بنات واعذروني على عدم الرد واشكر كل من ردوا علي والله يشفي الادكم وبنتي والله يتقطع قلبي معها بس الشكوى لله بنتي رايحه صف رابع طبعا دايم مدارس خاصه وطلعت والحين مو شاطره مره ما تقرا والاملاء ضعيف والحفظ صعب لكن دعواتكم بس انا ارسلت للدكتور عبدالباسط عن وضع بنتي وقال استعملي لهاعلاج اتوقع اسمه جنستين وجبته وهو عباره عن فيتامينات مقويه للتركيز والى الان ما استعملته دعواتكم وانا راح استخير واعطيها وهي حبه كل يوم في الصباح وادعوا لي ان ربي يحنن قلبي على بنيتي ما عمري قدرت اقول لاحد غيركم وشكرا لكم اعذروني اذا ما رديت

غلا أبوظبي خذيت بنصيحتج ورحت لعيادة الدكتور بدون لا أدق ولا أخذ موعد شسوي طفروني وفعلا دخلوني تقريبا خمس دقايق وكنت منفعله بس من شفت الدكتور طخيت ,, وقلت له عن ولدي قال إستمري بالعلاج والا توقفينه وهذي أحسن فتره نقيس فيها مدي تركيزه مع واجبات المدرسه وصرفت له علبه جديده والله غاليه شويه العلبه 44 دينار مادري جم تطلع بالريال ؟؟؟ يالله ينفع بها بس ولا يضيع تعبنا اللهم آآآآآآآآآآآآمين
ايالي نجديارب اشفي سكوره شفاء لايغادر سقما
غيوررررررررررره بنتج كبر ولدي ما لاحظتي أي تغير للأفضل عليها ؟؟ وإستخدمتي الأدويه وإلا للحين فيتامينات بس ,, أنا ولدي السنه إلي فاتت كله فيتامينات والنتيجه كانت بسيطه ومن شهرين وهذا الشهر الثالث بلشت بالدواء وإن شاء الله نلقى النتيجه المرضيه يااااااااااااااااااااااااااااارب

يارب اشفي سكوره شفاء لايغادر سقما
يارب طلعها لبيتها وزوجها وعيالها
يارب ارحم ضعفها واجبر كسرها
يارب البسها ثياب الصحه والعافيه
يابنات طمنوني عليها



الله يشفي اطفالنا جميع

بنات انا بعد ابي اجرب الادوية بس بنتي عمرها 5 سنوات

وراح اخذ لها موعد مع الدكتوره فضيلة الراوي في قطر اذا اتعرفونها الله يسهل امورنا

نبي تفاعلكم وتجاربكم مع الادوية لاني سمعت من وحده بمدرسة بنتي امس قالت ليش ما تاخذ دواء انا اعرف اطفاااال تحسنوووا كثيرر عطتني امل الصراحه


حاليا دندونه تمهيدي والحمدلله اتحب المدرسة بس المدرسة ما يبونها يشتكووون منها حركية وما تسمع كلامهم قلت لهم هي حاليا تستكشف اذا تعودت بتسمع كلامكم

الله كريم

حياكم الله جميعا

اللهم اشفي سكر شفاء لايغادر سقما واحفظها لعيالها

والله انا نفسيتي زفت لي اسبوعين وانا ادور لغلو روضه

الروضات مشددين مايقبلون الي عندهم تشتت عشان حركتهم وانا بنتي الله يصلحه ماتقر

الله يرحم حالتهم يارب ولا يحيجهم لاحد