◎☻◎ تجمـــع أمهـــات أحـــلى كتـــاكيـــت مــــن الـــولاد☺ إلــــى 6 أشــ☺ــر ◎☻◎

متابعة النقاش، صفحة 235

شاركي في النقاش

سجلي الدخول لإضافة تعليق.

التعليقات

1,991
  1. اشهاد
    شجرة الدر انا اشتريت من مامالوف كرسي هزاز و مساج معروف ومنتشر بالاسواق ورخيص وعملي ويكد
    مرااااااااااااحب

    جرح الزمن

    جربي كيناكومب .. مرهم للطفح الجلدي مره ممتاز
    انا ولدي ماناسبه سودو كريم

    شجرة الدر

    حبوبه انا شريت لولدي كرسي مرره حلو ومررررررررريح له ولي
    وهذي صورته



    كرسي معه كفرات تنقلينه معاج بأرجاء المنزل على كيفج ..
    يرتفع للارتفاع اللي تبينه .. يعني لو كنتي جالسه على كنب مرتفع ارفعي الكرسي الى مستواج
    يصير مرجيحه .. وينسدح وتقدرين ترفعينه ويصير البيبي جالس
    واذا صار عمر البيبي سنه يصير كرسي اكل مع طاوله
    يعني يكفي البيبي من الولاده الى سن 4 سنوات
    بس سعره غالي .. خذيته بـ 1000 ريال من تويز ار اص .. بس ان شالله يصير لولدي واخوانه عقب يارب


    بندولة

    3 شهور حبوبه ماتعطينه اكل .. خليه عالحليب لين يكمل 4 شهور
    و بالنسبه لنوم ولدج .. اذا مثلا بتنامين الساعه عشر
    لاترضعين ولدج قبلها 3 او 4 ساعات .. حتى لو جاع اتركيه يصيح راح يتعبه الصياح وبيدوخ منه
    واذا بغيتي تنامين رضعيه وشغلي سورة البقره من جوالج مثلا او انتي اقري ايات عليه بصوت مرتفع
    ومهديه احس المهاد يخلي الطفل يطول بنومته
    وان شالله بينام عدل وربي يهديه لج ويحفظه

    بنت الكرام

    الترويش انا ارضع ولدي واتركه ربع ساعه لين يركد الحليب بمعدته
    وعقب اروشه عشان مايرجع علي .. كنت قبل اروشه قبل الرضعه لأنه صحيا افضل
    بس كان يصيح علي ويبهذلني .. بس الحين الحمدلله صار يتقبل الترويشه وهو شبعان فديته

    طيب شرايج يا ام الكرام نطرح موضوع ثاني
    ودي اعرف انتوا تطلعون تزورون الناس ؟!؟ تروحون مناسبات وعروس ؟!؟
    واذا تروحون وين تخلون عيالكم ؟!؟

    انا بالنسبه لي من ولدت مااروح ولا اجي غير لبيت اهلي :(
    كثير انعزمت على عروس وناس من قرايبي بس مااقدر اروح ابدا
    مااحب احط ولدي عند احد الا اذا كنت مضطره اخليه عند امي .. مع ان امي تقولي دايم خليه عندي
    بس انا مااحب اكلف على امي حبيبتي ..


    كرزه

    وه فديتج تسلمين حبوبه على التوقيع
    يعطيج الف عافيه حبوبه .. مره رايق وحلو .. كلك ذوق

    ليدي لين

    ربي يخلي لج بنتج ..
    ليش تعطينها حليب الترجيع وهي عمرها 4 شهور !!!!
    من عمر 4 شهور يبدا الطفل يقل ترجيعه بصوره طبيعيه لأنه راح يبدا يجلس
    انا جربت حليب الترجيع لولدي وماكان يحبه ابدااااااا بس من الجوع يشرب منه شوي
    نصيحتي اتركي حليب الترجيع واستخدمي لها حليب عادي
    وحطي معاه سيريلاك .. ومافي سيريلاك الا من عمر 6 شهور لكن عادي حبوبه
    اعرف حريم يحطونه من النفاس لعيالهم مع الحليب
    وطبعا انا كل ماسألت دكتور يقول لي لاتستخدمينه قبل 6 شهور
    بس والله انا استخدمته والحمدلله اللهم بارك ولدي اعجبه
    وانتي براحتج .. اسألي الدكتور عن حالة بنتج وهو ادرى مني ومنج

    روح الانوثه

    انا بعد استخدم اس 26 .. ويخرب بعد ساعتين
    وسعي فتحة الحلمه عشان ترضع اسرع .. بس لاترضعينها مره وحده
    رضعيها نص وكرعيها وبعدين كملي

    مملوحه

    مايشوف شر ولدج .. وان شالله ماعليه الا العافيه


  2. @grh_alzmn_12

    مشكورة يا عسل

    وديتها أمس الطبيب وقال لي الطفح مرة شديد وأعطاني مرهم وصابونة استخدمته ثلاث مرات ومافيه تحسن يذكر

    والله اني خايفة مررررررررررررررررررة لأنه مطول فيها

    الله يستر

    بالنسبة لموضوعك

    دايم أخذهم معي وش أسوي ما أبغى أكلف على أمي

    بس اذا رحت السوق أخليهم عندها

    وأنا أصلا مو ساكنة في مدينة أمي بس أروح في الأعياد

    أما هنا أضطر أخذهم معي

    الله يعيين بس
  3. سلام يا امهات اشلونكم واشلون الصغار الطعمين
    ان شاء الله راح انظم لكم ولتجمعك تجمع الكتاكيت لبى قلوبهم

    بنات >>>>>>>>> سوري قصدي امهات
    بنتي من فترة زكمت وصدرها مليان بلغم وربي راحمتها ماتقدر ترضع وربي لمن اسمع صوتها وهي تون وتتزحر يتقطع قلبي
    عطوني طريقه تبعد البلغم لاتقولوا دكتور لاني رخت وصرف لها علاج وما فيه فايده
  4. @aaalm_alroayaa

    ^جرح الزمن^
    مشكورة يا عسل وديتها أمس الطبيب وقال لي الطفح مرة شديد وأعطاني مرهم وصابونة استخدمته ثلاث مرات ومافيه تحسن يذكر والله اني خايفة مررررررررررررررررررة لأنه مطول فيها الله يستر بالنسبة لموضوعك دايم أخذهم معي وش أسوي ما أبغى أكلف ع…
    ياقلبي مش أنا الي سويت التواقيع كرزه الله يسعدها:39:



    أنا دورت عليها ما خليت صيدليه بس لمن رحت الطائف لقيت في صيدليه خالد موية غريب مصري



    زي أيودي يلعب ويضحك من يوم ما أقفل المويه عشن أشيله وأحط المنشفه يزعل يبغى يكمل ههههههههه



    الله يسعدك على التوقيع ماشاء الله حلو

    ياقلبي دورته في صيدليات النهدي ما حصلته




    بالنسبه للروحات لمن جبت أول طفلين ماكنت أخرج كثير ومرات أخرج وأسيبهم عند أم زوجي بس ما أطول

    دحين بناتي كبروا أسيب أيودي عندهم:)
  5. @aaalm_alroayaa

    مملوحه ياقلبي أحفظي الصورة في الجهاز
    وشوفي فوق في الفحه مكتوب مركز التحميل
    أضغطي عليه واختاري تحميل ملفات
    وحملي الصورة حيجيك رابطين

    أنسخي الرابط الثاني

    وفي ضبط التوقيع أضغطي على صورة الجبل
    وألصقي الرابط الثاني فيه
    وسوي معاينه وإن شاء الله يضبط

تابعي تجارب أخرى من هذا القسم.