حافز والبيانات وبطاقة الاحوال وزوجي

السلام عليكم ورحمة الله وبركاته يابنات أرجوكم ساعدوني اول شي سمعت انه يقولو الاولويه لهذي الاعانه حقت حافز للي عندها بطاقة احوال وانا زوجي رافض يطلعلي بطاقة احوال يقول تبين تخرجين من كرتي يقصد كرت العايله والسؤال اللي يطرح نفسه هل اذا طلعتلي بطاقة احوال اخرج من كرت العايله ويلا ابقى السؤال الثاني حشا اختبار ........ ارسلولي حافز الرقم السري ودخلت على موقعهم وعبيت البيانات اللي في الصفحه الاولى والثانيه اللهي سنة الدراسه وسنة التخرج والتقدير واسم المدرسه ويوم كملت البيانات اللي في الصفحه وضغطت على استمرار رفض يستمر يقول لم تذكرالمؤهل العلمي وانا عبيت كل البيانات ولاخليت ولا خانه الاعبيتها ايش الحل ولي تقولي عيدي المحاولة عدتها يمكن عشرين مره بس رافض الي عندها علم الله يسعدها ويحقق أمانيها تجاوبني وايش الفرق بين رقم الهويه اللي في كرت العايله وبطاقة الاحوال وضحولي وتكفون يالمشرفات يقولون أنكم تحذفون الموضوع تكفون لاتحذفونه الين القى اجابه يمكن اللي معاها بطاقة احوال تتعبى بياناتها بسرعه اما اللي ماعندها ماتتعبى صح كلامي هل اللي عبت بياناتها كلهها مندون عراقيل هل عندها بطاقة احوال ارجو الرد

24 تعليق 3,258 مشاهدة

شاركي في النقاش

سجلي الدخول لإضافة تعليق.

التعليقات

23
  1. @ghaly_alathman_12

    وش فيها بطاقة الاحوال ترى حتى البنات صار شرط زي الاولاد لاكملت 16سنه مطلوبه في الثانويه موبس المتزوجات
    الله يهدي زوجك
  2. حياتي انا مطلعه بطاقه ماني طالعه من كرت العايله مو زي الاولاد لما يطلعو من كرت ابوهم احنا لا ثابتين

    وبالنسبه لتكملة البيانات ماعندي خلفيه لانو ماارسلولي باقي
  3. @toth3000

    صاحبة الموضوع
    وحده من البنات في المنتدا تقول دقت على حافز وقالولها انه الاولويه للي عندها بطاقة احوال

تابعي تجارب أخرى من هذا القسم.