منهج اسلامي و عربي؟؟

السلام عليكن اخواتي العزيزات.. انا عايزه اي واحده تدلني علي منهج تعليمي للعربي و القرآن لسن خمس سنوات. انا الصراحه ابني دخل المدرسه الحكوميه الامريكيه و حاسه اني لازم اشتغل معاه في الجانب الديني و العربي. ربنا يحفظ اولادنا. لو اي واحده عندها ماده تعليميه او موقع او فكره يا ريت تفيدنا بيها وجزاكن الله خيرا.

11 تعليق 2,041 مشاهدة

شاركي في النقاش

سجلي الدخول لإضافة تعليق.

التعليقات

9
  1. صاحبة الموضوع
    شكرا جزيلا علي ردودكوا و علي المواقع المفيده و اقتراحاتكوا الجميله. و انا فعلا علقت الحروف علي الطريقه النورانيه علي حائط الغرفه بتاعت الاولاد. بس يا تري ابني ذو الخمس سنوات المفروض يكون عارف ايه و حافظ ايه علي نهايه السنه الدراسيه؟ انا باسأل لانى عايزة اعمل جدول امشي عليه عشان ما اقصرش و لا ازود عن اللي مفروض يعرفه. جزاكن الله خيرا.
  2. صاحبة الموضوع
    شكرا اختي home علي النصائح الغاليه. انا طبعا بعلم ابني الحروف باللغه العربيه الفصحى مش باللهجه المصريه. للاسف الموقع بتاعك مافتحش. طيب يا ريت تقولولنا انتوا بتذاكروا لولادكوا كم مره في الاسبوع . يا ريت برضه لو كل واحده تقول هي بتذاكر ايه لاولادها دلوقتي. انا مثلا بدأت اذاكر لابني الحروف المشكله و ٣ أيات لمده اسبوع و بخليه يتفرج معايا علي قصص الحيوان في القرآن. انا بفكر استخدم السبوره و كراسه خاصه للحروف و بالنسبه للقرآن الموقع بتاع الشيخ جبريل ممكن يكون كويس لو شغلته كذا مره. انتوا ايه رأيكوا و ياتري بتعملوا ايه بالضبط؟ 

تابعي تجارب أخرى من هذا القسم.