ايش اللي يزعجك من سوالف الحريم

السلام عليكم ...حابه نتناقش في موضوع الزيارات بين الاقارب والجيران خلوني اوضح اكثر يعني مثلا انا من النوع اللي احاول انتقي كلامي في حديثي مع الناس حتى مايفهموني غلط او يتضايقو من اسلوبي ومرات بعد ماارجع من عند الناس افكر في الكلام اللي دار بينا والسوالف واقول ياربي ليكون فهموني غلط وكذا لا تاجي وحده وتقول هذا وسواس لا والله بس اللي تعز علي ماودي تشيل بخاطرها شي فياليت توضحون لي ايش للي يضايقك من سوالف الحريم ويخليك خلاص تنعزلين عنهم وماتزوريهم يعني اللي تمدح لبسك او طبخك يضايقك هذا الشي او لا يعني زي كذا او مثلا اللي تقولك سالفه وانت تقوليلها تصرفك غلط كان المفروض سويتي كذا او كذا يعني هالاشياء تزعجك او لا ............زشاركونا

53 تعليق 7,660 مشاهدة

شاركي في النقاش

سجلي الدخول لإضافة تعليق.

التعليقات

52
  1. @nort_hyaty_1

    يضايقني اذا جت وحده بس تجلس تناضر فيني ولبسي وتدقق وهي ساكته ماتدرين وش تفكر فيه
    اذا تكلمت وجلست اسولف تجي وحده تقطع السالفه وكاني ماني موجوده
    وهذي ياكثرها ونعاني منها بقوه
    وانتي تسولفين ومبسوطه تجي وحده تناظرك وتتريق على كلامك وكانك تكذبين او تالفين قصص وتخلي الموجوين يناظرونك باستغراب
    ولا وانتي تتكلمين مع وحده تقول لك كذابه اصلا مو معقول وانتي واثقه من سالفتك
    والاخيره اعاني منها مع حماتي تسالني واذا جاوبتها تكذبني

تابعي تجارب أخرى من هذا القسم.