تجمع الحقن المجهري والأنابيب والتلقيح الصناعي في سليمان الحبيب بالرياض والقصيم

هلا فيك حبيبتي اي والله احب افرفش واستانس الله يديم السعاده بينا كلنا يالغاليه الله يعينك ويفكون عنك الحصار وتطلعي برائه ههههههههههههههه الله يعينك على المشركات المحدوده

دحدوله هلا فيييييييك صباح الخيييييييييييييير يالغاليه

مشكورين على هالتجمع الحلو وجزاك الله خير اختي النصوحه على سعه صدرك مع اخواتك بس حبيت استشيركن هل يصلح ان الوحده بعد شهر تبدا في العمليه الثانيه من اطفال الانابيب لان اختي الله يرزقها ويرزقكن قالها الدكتور من الشهر الجاي عادي نبدأ واخاف فيه ضرر عليها مع العلم انهاعندمحمدبقنه بس بصراحه من ردودكم احس اني ارتحت للدكتوره زينب و الجوهره شكلي بنصحها فيهن وش رايكن. وعفوا على الاطاله

السلام عليكم صباحكم فل معطر وزهر منثر وفنجال مزعفر يروق مزاجكم ويفل حجاجكم اخباركم يالغوالي
اخبار طيور الصباح من موجود معنا ويتحفنا بتغريده
وخلينا نسال عن وطوايط الليل احلىىىىىىىىىىى وطواطات اخباركم
ضوضو اخاف على قولة منو اجي ولا الاقي لافصفص ولانعناع واقعد بها انتبهييييييييي
منو ولا عليكي يالغاليه انتي ماقلتي شي غلط باالعكس ليه نهرب من الحقيقه الدنيا من يوم يومها قايمه على المصالح وين المصلحه يمشي وراها الانسان هذي طبيعة البشر ,صدقوني يابنات لي صديقات اوربيات لاجلست معهم وشفت وشلون يناقشوا امور حياتهن استغرب وشلون يفكرن واقول بنفسي ماعندهن احساس بس لاجلست لحالي وفكرت بعقل ومنطق اشوف اللي قالوه هو الصح وحده منهن يابنات تطلقت اربع مرات والسبب انها مالقت اللي تستقر معه زي ماكانت مخططه والثانيه حاسه انها لازم تنهي حياتها معه دام الاولاد كبروا لان على قولتها الاولاد كلن يمشي بحال سبيله وانا ابقى بهم ومشاكل على حساب عافيتي المهم عندهم نظريات عمليه مافيه تفكير بقلب او تحسب لبكره ياترى ابي اتزوج او اذا تزوجت اخلف او اذا خلفت ابي اعيش مبسوطه, وماشيه امورهم بهاالطريقه
اقول لانتعب انفسنا وخلي الامور ماشيه كل منا مسير لما خلق له
نصوحتي تستاهلي اكثر يالغاليه ويشهد ربي على غلاتك

اييه نسيت اقولكن كلمت اخيرا الدكتوره زينب والله يابنات ان المنسقات نشفن ريقي بالردواخير ماعليها تقولي دقي على مكتبها والمصيبه الدكتوره ماكانت فيه عندها عمليات وانا اتصل ماحد يرد اخيرا خليت زوجي يدق على جوال التنسيق ويكلم الموظفه بكل برود تقله عندها عمليات ونشبت لها نشبه ياما دقوا علي ادري طولت عليكم السالفه قهرووني المهم كلمتها وقلتلها وش صاير معي قالت الليف ماله دخل بالاجهاض ان شالله كلام موصحيح وسالتني عن المثبتات وعلمتها قالت الحبوب استمر عليها عشره ايام واوقفها والتحاميل مره لين تخلص واستمر فقط على الابر الى الشهر الرابع والاسبرين اوقفه لانه ممكن يضرني اذا كان صحيح معي ورم ليفي وسالتها عن اهميته قالتلي لو كان مهم كنت قلتلك خذيه بصراحه بنات حسيت براحه بعد ماكلمتها لان الدكتوره اللي رحتلها الله يصلحها قفلتها بوجهي يوم قالت يصير معك اجهاض ادري ان كل شي مكتوب بس البشر جبلت نفوسها على حب الفال الحسن الله يرحم ضعفنا
الوكاد طولت عليكم اعذروني لكن قلته لنصوحتي فتحتيلنا باب نفضفض فيه واحنا مرتاحيييييييييييييييييييييييييين الله يفتحلك ابواب رحمته ورزقه قولي امين