يابنات ادري اني غلطانه اللي تبي تهوشني تدخل ؟؟؟؟؟؟؟؟؟؟؟؟؟؟

يابنات فيني الصيحه بقولكم قصتي انا صغيره عمري 21 ماعندي خبره بالحياه مره ومتزوجه لي سنه وشهرين تقريبا وابي حل لانه بنجن وربي



القصه ومافيها ........................


اي شي يصير بيني وبين زوجي اقوله لصديقتي لجارتي لاهلي يعني سواليف قالي كذا وجابلي كذا وزوجي كريم وزوجي وزوجي وزوجي ااااااااااااااااااه بس

واذا جلست عند احد مغير اسولف عن بيتي وزوجي كانه محد متزوج الا انا وش اسويي عجزت اسكر فمي

واي شي ابي اسويه اصبغ شعري والا بخيط فستان والا بشتري شي اقوله على طول واللي حولي على طول يسبقوني ويسوونه وانقهر وارجع واقول مااتوب


احس اني خفيفه مره ابي اصير ثقيله والله اني اجلي مع ناس مايتكلمون عن ازواجهم ابد ولا حياتهم واحسهم ثقال وكلمتهم مسموعه


يابنات انا ابيكم تهوشوني عشان اعرف ان الله حق انا ادري اللي اسويه غلط


المشكله بقالي شهر واولد مدري وش اسويي لاصرت ام ماعرف شي بالحياه ولا ادبر اموري

للعلم اني ببيتي والحمد لله شايلته شيل ومشاكلي انا وزوجي ماطلعها برا بس مدري وش فيني


ابغى وحده عنده خبره بالزواج وكيف تتصرف وقويه شخصيتها تسلعدني تراني مليييييييييييييييييييييييييييييييييييييت

23 تعليق 3,272 مشاهدة

شاركي في النقاش

سجلي الدخول لإضافة تعليق.

التعليقات

23
  1. @akwas_w7dan

    حبيبتي عمره 21 مو صغيره يعني انتي انسانه واعيه والدليل انك قلتي ان تصرفاتك غلط وتبين نصيحتنا والحمدلله الحين بتصيرين ام الله يتمم لك عـ‘ خير
    حاولي انك تدورين اي سالفه لانه مو دايم حلوه تسولفين عن حياتك وايش بتسوين
    انتي عودي نفسك قولي هذا الشيء بقوله وهذا لا ما ينفع اخاف الناس تفهمني غلط او تفسر كلامي عـ‘ كيفها ولا تنسين مثل ما قال الرسول في زمن يكثر فيه العين والحسد
    الله يبعدك عنهم انتبهي من هالشيء
    والاشيء اللي بتسوينها قولي انا خلاص انا ماراح اتكلم فيها لاني ابي اتميز ابي اكون غير عن الكل بتواضع مو قهر ان بسب لسانك تقولين بتسوين كذا وغيرك يسبقك انا واختي كنا كذا وصرنا ما نقول لحد وربي تميزنا والكل ينبهر فينا والاهم من كذا رضانا عن انفسنا ولاتنسين خير الكلام ما قل ودل ولسانك اذا صنته صانك والعكس
    ويمكن انتي تتكلمين عن شيء بحياتك وغيرك يخليه مع مرور الايام ضدك حتى لو انها كلمه عاديه جدا انا صار موقف من كلمه قلتها
    والله يسعدك ويرزقك بالخلفه التامه وان شاء الله بيفيدونك البنات هنا اكثر
  2. @al_jody

    لازم تنقرصين علشان تتوبين >>> امزح

    بس والله جد لازم يمر موقف بعدها تتوبين

    >>>>>> ومنكم نستفيد لاني انا والسكوت عدوان لا نجتمع
    بحط موضوعك بالمفضله علشان اشوف البنات وهم طايحين فيك هواش
  3. @ksh_sbr

    فديتكـ _ يالبى قلبكـ يا شييخه اسلوبكـ مرره يجنن ما اقدر اهاوشكـ احسكـ برئيه ههههههه

    الله يوفقكـ يـآرب ويسهل عليكـ ولادتكـ ويرزقكـ بره اللهم آآآآمين

    نرجع لسـآلفتكـ اول ششيء لاتقولين ما اقدر انتي تقدرين وانتي فاهمه وواعيه جدا

    قلتي في كلامك انو المشاكل اللي بينك وبين زوجك ما تطلع برى البيت

    يـآ ترى لييييش ؟؟؟ >>اجاوبكـ لانكـ تحسينه سر من اسراركـ وما يصلح احد يطلع عليه

    شوي شوي تخلين اي شيء بتسوينه برضوا يكون سر من اسراركـ

    انتي شكلكـ من النوع اللي يحب يهذري كثير >>اي يسولف كثير

    طيب اذا جيتي تسولفين حاولي مو اي سالفه تجي في راسك على طول تقولينها لا

    اول شي من هو الشخص اللي قدامكـ ووش نوع السوالف اللي اقدر افتحها معاه

    مثلا فيه سوالف مع امكـ تفتحينها ومع اختك لا

    وفيه سوالف مع اختك عادي تفتحينها وامك لا

    وفيه سوالف تفتحينها مع زوجك وما تفتحينها مع اخوكـ والعكس
    فيه شيء اسمه تمييز

    وانتي الحمدلله تميزين وش تقولين وش تخبين لانك قلتي مشاكلكم ما تقولينها

    يعني حاولي والانسان موب ع طووول بيصير يعرف الشيء

    لازم يحاول يخطي يتعلم ...

    هذي وجهه نظري لكـ : )

    ترى وشسمه انا كبرك بس ما بعد خالطت الناس كثير ومو متزوجه يعني اي خطأ موجود بكلآمي

    وضحيه لي اوكـ

    الله يوفقكـ يـآآآرب ويسعدكـ

تابعي تجارب أخرى من هذا القسم.