باركوا لي ولـــــدت

السلام عليكم ورحمة الله وبركاته
صباح/مساء الخير
ابشركم ولدت ولله الحمد كثيراً
يوم السبت الماضي 12/10/1432
الساعة 3 ونص تقريباً العصر << احد يولد العصر
انا رحت الطوارئ الصباح الساعه 6 وكان الرحم مفتوح اثنين سانتي فقط مع انه طول شهر رمضان كان مفتوح اكثر
قالت لي الدكتوره معاك طلق ع الجهاز والرحم طري ممكن تولدين في الليل او بكره بالكثير
وطلعت
ورحت لدكتورتي الساعه 9 الصباح اخذت موعد عندها
وقالت لي كشف داخلي
لقته مفتوح 3 وشوي وبرضو قالت ع الليل تكوني والده بس روحي اشربي شيء دافي وامشي
ورحت للبيت بس ماارتحت مااقدر امشي شمس
وسويت شاي ولا شربته
قلت خلني اروح ينوموني عندهم لين اولد
رجعت لهم الساعه 1 الظهر طبعا للطوارئ
وقلت ابي تنويم
جات الدكتوره قالت بشوف الكشف اول ولقته 5 سم والطلق ع الجهاز قوي ومنتظم
دخلوني تنويم الساعه 2
ومن الساعه 2 الى الساعه 3 فتح الرحم 7 سانتي وفتحت الدكتوره المويه حقت الراس
ونص ساعه من العذاب مع الطلق المستمر ولدت
بس ولدت وهو مفتوح فقط 8 سانتي لاني ماقدرت اصبر الين 10 سانتي
الطلق كان مؤلم جدا
خيطوني كثير مره وسوت خياطه تجميليه لانها قالت المنطقه عندك راحت فيها لانك دفعتي على 8 سانتي
قعدوا يخيطون ساعه والله
وظهري صار يعورني مره اول ولاده احس فيها بالام الظهر مررره قوووويه ذبحتني ماادري وش حلها
جبت ولد الحمدلله سميناه تركي

97 تعليق 5,525 مشاهدة

شاركي في النقاش

سجلي الدخول لإضافة تعليق.

التعليقات

93
  1. @rnyn_alroh_1

    الف مبروك المولود وجعله من الصالحين البارين بوالديه

    والله انا خايفه من العمليه وخايفه من الطبيعي
    كلها جربتها

    ادعيلي ربي يسهل ولادتي على خير ويهون علي
    ما يذبحنا غير الخوف

تابعي تجارب أخرى من هذا القسم.