ودددددددددددددي ادري من اللي ينخطب اللحين فهمووني ؟؟؟

كلمك كله صحيح والله انك صادقه :)

مع احترامي لجميع التعليقات والاراء والتجارب
احب اطرح رايي من اللي اشوفه ولااعمم لكن كلامي احسه ينطبق
على الاغلب بواقعنا
شوفي انا عمري 30 للحين ماتزوجت اوك
عادية ولله الحمد على الصحة والعافية
ويوصلني مدح حتى بوجهي ومع ذلك مااشوف شي
اذا طالعت اللي اعرفهم وبسني ومتزوجات بدري
الاقي مواصفاتهم عادية اذا لم تكن اقل من عادية من ناحية الجمال موب بس الشكل لانواحي كثيرة
انا من وجهة نظري اشوف قبل كم سنة ماكان فيه الفلسفة الزايدة من الاهل والاولاد وشروطهم كان يدورون بنت من قرايبهم ومعارفهم والبنت اللي تبي الستر وخلااص
الحين تغير الوضع بعد هالسنوات صار الاهل والولد يتفلسفون والبعض منهم يحط شروط عجيبة غريبة في عروسة المستقبل ان لم تكن خيالية
الحين يدورون ملكات الجمال مو جميلة وخلاص والا حليوه
يبيها باربي تطيح الطير من السما ودلوعة وشقردية وطباخة ومربية واذا بعد موظفة زيادة الخير خيريين يعني كاملة وماكامل غير وجه الكريم سبحانة
تغير وضع الشباب والاهل اهم شي الشكل والباقي عليه السلام
اسمحوا اللي قالوا اهم شي اخلاق البنت وان الاهل يدورن لولدهم الاخلاق
سلموا لي على الاخلاق
الناس دايما يرددون هالعبارة ولاجا وقت الجد دورا الشكل قبل
والله الحين الاغلب يدور الشكل ثم الشكل ثم الشكل بعدين الاخلاق
ماعنده مشكلة اهم شي حلوة بكرة كل شي ثاني عندهم يتصلح
هم احرار من حقهم يتشرطون مثل مااحنا من حقنا نشترط بالرجل المناسب
مع ان مااشوف البنات يتشرطون كل اللي يبونه رجل كفو والرجال قلليل بهالزمن
يتشرطون براحتهم بس لايجي احد من اهل البنات اللي جالسات يتشكون بنات ماتزوجوا ؟
طالعوا انتوا وش تدورون لعيالكم ثلاثة ارباع الاهل صاروا زيكم ومنها جلسوا البنات >> سبب مو كل الاسباب طبعا
بالنهاية يااختي مااقول لك كل المتزوجات حلوات او العكس
بعد فيه حولي بنات عاديات واكبر منك وتزوجوا
رحنا جينا ناقشنا المسألة مسألة نصيب وماراح يصير غير اللي الله كاتبه
وماحد يموت قبل ماياخذ رزقه بالكامل
ويارب الله يرزقكك باللي يملي عينك والصالح من الرجال وجميع بنات المسلمين والمسلمات
دعواتك لي
وارجو تقبل رايي بصدر رحب من الجميع

أيقنت ان الزواج قسمة ونصيب
وان رزقي الي ربي كاتبه لي ماحد راح ياخذه

أنا كملت الـ 23 وداخله الـ24 ولا مره أحد خطبني والحمدلله مملوحه وناعمه بنات خوالي وبنات خالاتي الي كبري تزوجوا والي اصغر مني مخطوبين ومابقى الا شهور على زواجهم ربي يوفقهم
وانا وامي اجتماعيين وعلاقتنا طيبه مع الناس وامي ولله الحمدلله انسانه طيبه واخلاق والكل يقدرها ويحبها
وانا كل من شافني مدحني واحظى بمحبة عند اهلي ومكانه عند خالاتي وجدتي ومع ذلك عيال خالاتي وعيال خوالي متزوجين وخاطبين من بعضهم البعض الي خاطب بنت خالتي والي خاطب بنت خالي وانا مافكروا فيني وبعدين بيت خالتي أملوني بتلميحاتهم وكلامهم انهم يبوني وفي النهايه تركوني وراحوا لبنت خالتي الثانيه
جد تضايقت وحزنت وخاصة صرت من اروح في جمعه الكل قدامي ربي يرزقك وربي يفرح قلب فيك وهم كأنهم حزيينين على حالي هنا صار الوضع يضايقني في النهاية طنشت بس لازم بين فترة وفتره اتضايق خاصة اذا جاء احد من جماعتنا يخطب ويقول ماتعرفون بنات نخطبهم لولدنا ويجتهدون يعطونهم اسماء وانا مو معهم:(

ربي يرزقك ويرزقنا ويرزق بنات المسلمين..

يارب أرزقني اكثر مما أتمنى..:)

كل شي نصيب بس انا لاحظت انه البنت الي ابوها عنده منصب او عنده اموال بناتهم ينخطبون كثيييير

والبنت الي عندها معارف كثير بعد تنخطب ومثل ماقلت بالنهايه كله نصيب من الله لو كنتي بصندووق وربك كاتب لك شي بيجيك لين عندك

بس انتي توكلي على الله

شوفي يالغلا والله ثم والله جربي اللي بقووولك
وبإذن الله الفرج قريب:
قياااااااام الليل كل يوووم افرشي سجادتك واشكي لربك وادعيه<ربي اني لما انزلت الي من خير فقير>
<اللهم ارزقني زوجا صالحا تقيا نقيا كريما مخموم القلب>
اللهم عجل بنصيبي ياارحم الراحمين

واستغفررررررري بكثرة 500 مررة او الف باللي تقدرين<وفي خاتم التسبيح حلووو مررة>
وقراءة البقرة قسميها على 3 ايام
لان اخذها بركة
استمري ولاتيأسين من رحمة الله
وعقبال ماتبشرينا بزواجك قريب وترى توك صغيرة لاتشيلين هم وعااادي انا كبرك وماتزوجت