ღ¤ஐﻬ تجارب وخبرات متبادلة((الجزء الرابع)) بتاخر الحمل بالمغرب العربي ﻬஐ¤ღ

أم هبة الله يفرحك بوليدك تشوفيه بالصحة والعافية

البنات الي مقبلين على العملية الله يسر امركم ويفرحكم بالذرية الصالحة عاجلا غير اجلا

سمحولي غبرت والله منسيتكم كان دعي معاكم دايما وفينما فرحت بنتي تنتفكركم ...غي كيما قلت ليكم منغصات نغصات علي فرحتي ولكن دابة الحمد لله ....

دعواتكم معاي لان صحة جد متدهورة ...خصوصا الام من جراء ابرة الظهر الي درت اتناء العملية ....

توحشتك أبعمراني واصبحت متفائلة وجروح الله يفرحنا بيكم كاملين ياااااااارب

السلام عليكم
ربي يثبت حمل الحوامل و ييسر عمليات المقبلات
ام هبة ربي يتمم لك بالخير و شكرا على نصائحك و لكن انا كنت كنبت لك الطلب مدة طويلة هذي حقات عاد شفتيه معلش ربي يجعل كل حرف في ميزان حسناتك
كيفما قلت لكم اني غادي نكرر العملية و بالفعل عملتها كان كلشي مزيان و بديت في مرحلة الانتظار مرت الاسبوعين مشيت نعمل التحليل لانه ما نزلاتش الدورة لكن للاسف ما كاين حمل تسنيت يومين و نزلات
هدشي لي عطا الله
تحيتي لكن
غادي ننسى موضوع الحمل و غادي نودعكم ربي يلاقينا في ساعة الخير

في امان الله
استودعكن الله الذي لا تضيع ودائعه

عيد مبارك سعيد الى كل المنتظرات

السلام عليكن
اعتدر لانني غبرت ولكن الموديم خسر وبيني وبينكم حتى النفسية ماشي هي هاديك زائد الصحة اللي عيات بالادوية وقلت نرتاح مانبقى نفكر لا في الحمل ولا ندخل الانترنيت داكشي علاش ماشريتوش ملي خسر المهم توحشتكم كاملين والله مانسيت تا وحدة وديما كندعي معاكم الله يكتب لينا اللي فيها الخير والحوامل الله يفرحهم برؤيية فلدات اكبادهن انا ماقريتش اللي فات الا الصفحة الاخيرة
بعمرانية ماتقلقيش اختي هاد الشي قدر اللهم لا اعتراض الله يفرحك بلا ادوية ولا عمليات الله يعوض علينا كاملين