زوجي والكبتاجون

السلام عليكم ورحمة الله

ياناس مدري من وين ابدا شي لايطاق :44:
اللهم اجرني في مصيبتي
زوجي رجل نقدر نقول انه كويس وحبوب وطيب وموصفات حلوه كثير مشاءلله
لكن فيه شي يغطي كل مزاياااه ........
الا وهو الكبتاجون << حبوب منشطه
طبعا هو مهب مدمن
لكن ياخذها فترات
اللي ذابحني يجلس 3 او 4 ايام ناااااااااااااايم :44:
ووتتوقف كل الحياه ........
سؤالي للي مثل حالتي وش الحل
انا صارحت امي بالموضوع وقالت هذا عيب شرعي وماينسكت عليه
مع العلم من اخذته وهو كذا وطبعا النوم الطويل يسمونها فترة انسحابات الماده من الجسم ويرجع الشخص طبيعي عشان مايدمن وبعدها ياخذها وبعدها انسحابات وبعدها ياخذها وبعدها انسحابات ويمضي العمر وهو في فترة انسحابات :icon33:

عندي طفله صغيره

عطوني حل نهائي هاوشته تزاعلنا هددته
من السبت نايم للحين اليوم الاربعاء
ياكل وينام ...................
وانا قلتله الفرصه الاخيره لك لكن كلامي بالهواء ......؟
:09:

77 تعليق 54,525 مشاهدة

شاركي في النقاش

سجلي الدخول لإضافة تعليق.

التعليقات

77
  1. @km_alanothh_1

    لا حبيبتي ما في شيء إسمه عادي وفتره ويرجع طبيعي

    حبيبتي هذا يعتبر تعاطي والله كثير ناس أعرفهم يتعاطو الحبوب المنشطه نهايتهم مستشفى المجانين

    نهايتهم أشخاص ما يعرفو أنفسهم

    يعني الماده هدي تعمل نشاط زايد ومع كثرة الاستخدام تقتل خلايا المخ ويرجع الإنسان لشخص آخر

    كثير بيوت تهدمت وهذا الششيء كان السبب



    حبيبتي زوجك مدمن لا تسكتي ولا تخلفي إلين ما يتعالج أو يتعدل وضعه ولازم تدخلي أهلك وأخوانك بالموضوع لو رفض العلاج أو بلغي أهله وأخوانه يعالجوه والله قلتلك هذا الكلام من باب الخوف لا أكثر

    وأكثري من قول

    اللهم آجرني بمصيبتي وأخلفلي خيرا منها
  2. @brorh2

    انتي شوفيه تكلمي معاه في جلسة صفاء واسأليه هل هو ناوي الاقلاع والتوبه او لا
    وشوفي عزمه قوي او لا
    وتكوني مجهزه اضرار هذه الماده اخديها من النت
    وقوليله بكل هدوء انت حاب تبطل
    وليه تبغى تبطل
    وقوليله تعرف اضرارها ترى اضرارها كذا وكذا
    بس لازم تكوني في وضع هااااادي وبصوت عادي جدا مافيه شد ابدا
    انتبهي لايجرك للصراخ ويضيع الموضوع
    اذا شفتي منه حب الاقلاع والتوبه ساعديه او حتى اسأليه كيف اقدر اساعدك وطبعا الدليل القاطع لنيته التوبه والعلاج حيكون الذهاب للمستشفى
    واذا شفتيه ماهو ناوي العلاج...ذيك الساعه الخيار لك اما الاستمرار معه او الذهاب الى اهللك بكل هدوء
    اما الصياح والنياح والمشاكل اليوميه مامنها غير دوخه الراس

تابعي تجارب أخرى من هذا القسم.