الموضوع مغلق

ليش اللي يحملون بتوم مايعلمون سبب حملهم

السلام عليكم

صح الحمل بتوم من الله وهذا امر مسلم به ونعلم به ان الرزق بيد الله لكن في اسباب وسعي لهذا الحمل

اغلب الحريم يحملن بتوم ولايخبرون سبب حملهم ويخشون الاشياء اللي تنفع غيرهم للحمل (( احب لاخيك ماتحبه لنفسك ))

سبحان الله في حياتي ماجاني شعور للانانيه الا يوم لاحظته في مجتمعنا ومع ذلك ماخلاني اصير زيهم

لانه سبحان الله نقص في الوحده كانها ذكاء او مسويه شطاره انها تخبي وتلاحظي عليها تدور الخير من الناس يمين ويسار وتستفيد ولو بغيتي منها شئ سبحان الله ماتعرف

:09:

جد بنات اغلب الحريم كذا واللي تقول انا حملت بالهوا او حملت بسرعه وثانيه مسكينه ماتعرف انها تعطيها صواريخ وهي قبل عرسها مخططه لنفسه ورايحه لدكتوره حتى تحمل بسرعه او سئلت ناس كيف تحمل

طبعا مو الكل .. الاغلــــب


جد والله اذ استفدت شئ اقسم بالله حتى عدوتي خبرتها .. عن اي شئ يفيد



وش رايكم

ليش هالحركات في الحريم لاحظوا اذا خلطه مضمونه او وحده عندها شئ يفيد تلاقي في المنتدى وخلال كم سنه موضوع او موضوعين والباقي كلها اسئله وكلام فاضي

ليه الاحتباس اللي يفيد غيرك من معلومات حتى ماتشوفي فلانه احسن منك او اشطر منك

ماعرف وش اصنفهم هالناس لكن اقول ضعاف نفوس وكمان صغار عقول


والرزق بيد الله


بقلم بطه

:27:

85 تعليق 48,225 مشاهدة

شاركي في النقاش

سجلي الدخول لإضافة تعليق.

التعليقات

85
  1. @bth_othb_alshth

    صاحبة الموضوع
    طيب مانقول عن الناس اللي نشوفهم نقول يمكن يخافوا من العين بس اللي عن طريق النت محد يعرفها ماراح احد يعطيها عين بالنت

    من يعرفها ليش ماتقول ههههههه

    صحيح الله لايبلانا
  2. @thkryat_alghd

    بالنسبة لخارج النت...
    يا أختي أحسني الظن بالناس
    مو كل اللي تتكلمين عنهم دافعهم للسكوت هو الأنانية

    يعني مثلا وحده عندها مشكلة بالإنجاب في الأساس وماودها تصرح إن عندها مشكله ....وتعرفين كلام الناس عنها ونظراتهم لها
    لما تتأخر بالإنجاب يبدؤون الناس بتحريض زوجها ... حتى أتفه واحد بالشارع من ربعه راح يقول له:..ورا ماتتزوج على مرتك علشان يجيك عيال
    حتى من دون مايعرفون إن المشكله فيها أو فيه...فشلون تبينها تصرح بالعلاج اللي أخذته وأحملت بعد الله بسببه
    كأنها تقول للناس ....شوفوا ...ترى المشكلة فيني

    بعدين لا تنسين...مجتمعنا للأسف غالبيته عقليته قديمه وماعنده ثقافة
    يعني ممكن هاللي جابت توائم ...جابتهم من دون إستخدام أي أدويه أو خلطه أو منشطات......لكن ما أحد يصدقها...راح يكذبونها ويستهزؤون بكلامها حتى لو تحلف لهم..

    وممكن جابتهم بسبب إستخدام منشطات أو عن طريق التلقيح الصناعي.....أو الحقن المجهري وأطفال الأنابيب اللي ممكن سبب لجؤها إليها هو لمشكلة فيها أو في زوجها ...وهالمواضيع شأن خاص بها لا شأن للآخرين به وتكتمها ليس من باب الأنانية بل من باب الخصوصية ولكم أفواه الناس عنها بالذات أهل العقول المتخلفه

    مثلا أنا حامل بعد 14 سنه زواج ولله الحمد عن طريق أطفال الأنابيب....وحامل بجنين واحد ..ماشاء الله تبارك الله
    وسبب ذلك....مشكلة عند زوجي بينما أنا سليمة ولله الحمد.... ولا أحد يدري عن هالشيء لا من أهلي ولا أهله...
    ولو إفترضنا إني حملت بتوأم.... وجات وحده وسألتني شلون حملت.....ما راح أجاوبها بالصدق....بل راح أقول لها إرادة الله
    هل يعني هذا أنانية مني؟؟؟؟؟؟
    أنا لو جاوبتها بالصدق...فأنا أعتبر أفشيت خصوصياتي...وهي ماراح تقصر ...راح تتكلم فيني...وشوفي عقول الناس وتفكيرهم السطحي
    أجزم لك ساعتها إن ولدت بإذن الله راح يحاولون يشوفون شبه أطفالي لي ولأبوهم... ولو طلع شكل طفلي مختلف شوي...راح يقولون مو ولدهم ...أغلطوا في المختبر...وهاتك ياكلام ويا تعليقات

    الاسباب يا أختي كثيرة ومتعدده...أنا تطرقت لشي بسيط منها

    أما المساعدات وطرح التجارب داخل النت.....فالبنات ماقصروا يطرحون تجاربهم والأشياء اللي فادتهم
    أدخلي قسم تأخر الحمل وشوفي بنفسك

    واللي يبي شي يتوكل على الله ويدور عليه ويحوس يمين ويسار مو يلوم الناس ويتهمهم...ليه ماعلموه
  3. @am_gylan

    وانا بعد ودي اعرف متى بتنتهي اللقافة من مجتمعنا شلون حملتي ومتى وش سويتي والله عيب مااتخيل نفسي اسال احد هالاسئلة مع احترامي للجميع وترى ماعندي توام ولاشي وامنيتي احمل بتوام بس الله لايحدني اسال الناس واتمنى مايزعلك كلامي بس من جد مدري متى نتخلص من هالافه ان طولتي ماحملتي قعدوا يسالون اسئلة مالها اول ولاتالي وش السبب منك والا من زوجك ها تعاجتي لا ياشيخه احتريك يمكن طلعت من الموضوع بس بجد ياناس خلو الناس وانشغلو بانفسكم الله لايشغلنا الا بطاعته وطبعا التوام مايبيلها شطارة ياطبيعي وراثةاو منشطات مافي شي غير كذا

تابعي تجارب أخرى من هذا القسم.