تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23
متابعة النقاش، صفحة 282
شاركي في النقاش
سجلي الدخول لإضافة تعليق.
التعليقات
2,000ام حفصة القادمة يعنى ياماما انا كده ماشيه صح ولا فى حاجه تانى مفروض اعملها لان بنت عمى قالتلى ان فى دكتور عندهم فى اسماعليه شاطر اسمه محمد مصيلحى رايك ايه؟
لا ركزي وبلاش تنططي بين الدكاتره حيشتتوكي وكمان جوزك حيزهق انتي خليكي مع دكتورك كلامه مظبوط تنشيط ومثبتات وهيبرين ان شاء الله قريب جدا حتحملي- ان شاء الله موعيدي مع الدكتور الجديد بكره اسمه مايكل فقيه في المركز الامريكي الي قلت لكم عليه حروحلوا بكره واشوف ايه رايه في موضوع الnatural ivf ده وربنا يسهل بس رعوبه مش عارفه ليه يابنات كل ما اروح لدكتور جديد بكون خايفه ومرعوبه كده
على فكره انا عملت عليه سيرش في النت لقيت بنات كثير بيشكروا فيه امارتيات وده شجعني اكثر فاطمة الزهراء912 توتا ياقمر اخبار اية والنونات عاملين اية انا الحمد لله وبنوتى تمام بس نفسى اولد بقى حاسة انى بقالى قرن حامل قليلى بداتى فى تجهيزات العيال ولا لسة عايزين حد من البنات يكتبلنا قائمة بالمستلزمات وكمان شنطة المستشفى علشان مش ننسى حاجة يلة ي…
عيونى ايكى ياقمر
بس اهم نصيحة بجد عشان دى غلطة انا غلطها مع ان الناس برضه نصحونى بس ماتفهميش كانت دماغى فين
انك ماتكتريش فى المشتريات قوى وبالذات للنيو بورن لان ماشاء الله بيكبرا بسرعة من شهر للتانى والحاجة بتبقى جديدة وبتصغر عليهم قوى وممكن مايلحقوش يلبسوها كمان والله انا عندى حاجات لسة بورقتها
بصى ياقمر انتى ولادتك كده هتبقى فى الشتا مثلى يعنى
الله يعينك
ولازم ان شاء الله تبدأى من دلوقتى عشان بعد كده هتتقلى وهيبقى اللف والشرا صعب جدا
بصى ياقمر
هتحتاجى ان شاء الله
6 فنلات داخلية نص كم و6 بكم طويل وياريت يكونوا بكباسين من تحت عشان مايترفعوش مع حركة البيبى
وممكن تخليهم 9 بس خدى مثلا 3 نيو بورن
والباقى من 0لــ 3 او من 3 لــ 6
وهتاخدى كمان سلوبيتات قطيفة عدد 6 او زى ماتلاقى لانك كمان ممكن تاخدى معاها بيجامات قطعتين
وطبعا بطانيتين وكوفرتتين للبيت وزيهم للخروج وطواقى وجوانتيات وشرابات واهم شئ الشرابات الصراحة لان البيبى اكتر حاجة بيبرد من رجليه
وبفتات ببقى كتير اللى هى ظهرها مشمع مش قطن عشان ماتبلش صدرها وفى بافتتات بتتربط من ورا ومن تحت زى التلبيسة كده دى عجبتنى اكتر لانها بتدفيهم احسن
وطبعا قماطات عريضة عشان تقدرى تتحكمى بشيلها من غير ماتأذيها
والاكوايتة هنا الصراحة بيعملو حاجة حلوة عجبتنى قوى بيمهدوا البيبى
يعنى بيلفوه كده كانه موميا وده بيخلى البيبى ماشاء الله جسمه صالب نفسه وشديد واميخربش نفسه هحاول اجيبلك صورة للمهاد ده وفيه مصريين كمان طلعوا بيعملوها بس انا مكنتش اعرفها
وكمان فيه فوط كده صغيرة تحطيها على كتفك عشان لما البيبى تقشط وممكن تستخدمى الاقطان منها انك تمسحى للبيبى لو قشطت بدل الكلينكس
وطبعا هتشترى فوط قطن 100% اتنين صغيرين للوجه والراس و2 كبار للجسم
وليفة قطن وشامبوهات جونسون وزيوت وبودى لوشن ده جميل من جونسن لونه موف بيخلى البيبى ينام بهدوء فظيع لانه بريحة اللافندر
وطبعا هتجيبى الكيس اللى بيتحط فيه المولود ده عشان الخروج
ده بالنسبة للبس والغطا
وياريت تعوديها من وهى صغيرة كده انها تنام فى سريرها لانك بعد كده هتتعبى قوى لو ماعودتيهاش
يبقى هتحتاجى سرير وعربية للخروج وكرسى هزاز للبيبى ده من الشهر الاول عادى
وفى لعبة كده روعة هى سرير ولعبة فة نفس الوقت اسمها بيبى جيم هى بتنبه البيبى لانها بتلف وبتتحرك وتعمل موسيقى ماشاء الله خلت انس اتفاعل من وهو عنده 40 يوم
وفى كرسى كده مايل وهزاز ده احسن انك طول الوقت بدل ماتعوديها انك تشيليها على رجلك تحطيها عليه
تعالى بقى بالنسبة للرفايع
--- 2 ببرونة صغيرة واحدة للاعشاب وواحدة للبن لو هترضعيها صناعى او هتشفطى وانتى خارجة وكمان شفاط للبن وفيه بادز كده للصدر وانتى خارجة عشان لبسك مايتبهدلش
---- 2 ببرونة مقاس اكبر لنفس الغرض
وحاولى تجيبى الببرونات ماركة بايجون او تشيكو معلش هم غاليين شوية بس اصح واضمن وعموما الببرونات اللى زجاجها تقيل شوية افضل كتير من البلاستيك والباغ وبالذات بالنسبة للحاجات السخنة
----- فرشة تنضيف ببرونات وحلمات
---- مقص اطفال وقصافة وترمومتر ومناديل مبللة وبامبرز اصغر مقاس وكريم لتسلخات الحفاض
------ بانيو وسفنجة على شكل البيبى كده عشان البانيو مايبقاش ناشف عليها
------- تتينة لو انتى حابة تستخدميها انا الصراحة رفضت استخدمها لانس لانها بتسبب الامراض وفى نفس الوقت بتخلى شكل السنان لما يكبر مش حلو بس الصراحة هى مريحة فى انك ماتفضليش طول الليل شايلاها على رجلك وترضعيها عشان تسكت
----- فى البداية كده هتاحتاجى قطن وكحول لغاية ماسرة البيبى تقع
----- هتجيبى كمان ماء غريب المستورد كويس جدا للمغص لان البيبى فى السن ده المغص معاه بيبقى مزمن
----- فى كمان بيبى درنك بس انا استخدمته مرة واحدة ومعجبنيش بقيت استخدم اليانسون والكراوية كويسين جدا
دى مستلزمات البيبى اللى انا فكراها مؤقتا وهعمل لك مشاركة تانية فيها احتياجاتك انتى بقى فى المستشفى- حلوة يابندقة موضوع الملوخية الخضرا دى بجد انا مش قادرة امسك نفسى من الضحك
البسلة اه ممكن الواحد ينقنق كده كام واحدة وهو بيفصصها انما الملوخية بجد جامدة جدا - بوبا ربنا يكرومك انا ححفظ الاشياء دي
بس فيه واحده صحبتي بتقولي ان الفلنات اللي بكم ي مش عمليه واني لو لبست فلنتين بنص او واحده نص ووحده كت افض
باذن الله الولاده حتكون في شهر 1 يعني عز الشتا
وكمان موضوع المقاس دا كتير قالي عليه وان البيبهات بيكبروا بسرعه بس المشكله عندي ان التؤائم بينزلوا ضعاف جايفه اكبر متجديش علي قدمهم
وكمان انا باذن الله ناويه اجهز علي الشهر السابع ايه رايك في التوقيت دا
وانا مستنيه حاجه المستشفي
نادوا
انا كمان زي وداع مش مرتاحه للتشخيص دا خصوصا انها زي ما بتقولي حالات نادره
وكمان مبنشي مع اوكسي ومعاك بالصبغه اول ما حط السونار اللي هو اقل دقه من الصبغه شافه؟؟؟؟؟؟؟؟؟
مش عارفه اقولك ايه بس انت ليه متروحيش لدكتور تاني تتاكدي من كلامه
بندقه
لا يمعلم مفيش تريقه حتفي باللي في قلبي ههههههههههههه
بنات انا ماما باذن الله طيراتها حتبقي المغرب يعني ممكن توصل علي 12 ان شاء الله عاوزه اجهزلها اكله حلوه لان مستبوخه اني اشتري جاهز
كنت بفكر اعمل سمك مقلي ومشوي وربيان زوجي نبهني ان موعدها بالليل
مش عارفه اعمل ايه
ومتقلوش مكرونه بالشاميل لانها بتاخد وقت ومجهود وماما شاطره فيها يعني خبتي حتبان
وكمان نفسي اعملها اكله متكنشي متوعده عليها في مصر
بفكر اعمل باستا بس اعمل جنبها ايه
مستنيه مشاركتكم
مواضيع مشابهة
تابعي تجارب أخرى من هذا القسم.